ଜଙ୍ଗଲ ଯିବୁ !

ଜଙ୍ଗଲ ଯିବୁ

କୋଳି ଖାଇବୁ

ବାଘ ଆସିଲେ ଡରିବୁନି?

ଏତିକି କହି

 ସେ ଫୁଙ୍କିବା ଆଗରୁ ମୁଁ

ତା ଆଖି ଯୋଡ଼ାକ ବନ୍ଦ କରିଦିଏ ।

ପୌଷ ସିନା ପାଉଁଶ ତଳୁ

ମେଲାଣି ମାଗେ

ହେଲେ ମାଘ ବାଘ ହୋଇ

ମାଡ଼ି ଆସେ

ସେ କି ବୁଝେ?

କନିଆରି ଆଉ କଇଁ ର

ପ୍ରେମ କାହାଣୀ l

ଜଣେ ମିଠା ବୁଣି ବୁଣି

ଝରିଯାଏ

ଜଣେ ସୁଧା ସାଇତି

ମୌଳି ଯାଏ l

ଜଙ୍ଗଲ ଆଉ ଜହ୍ନ ରାତି

ମୃଗାକ୍ଷ ର ଫୁଲଶରରେ

ମୁଁ ନିଜେ ଶରବିଦ୍ଧ ବ୍ୟାଧ

ଆଉ ତୁ

କଳା ଚାନ୍ଦୁଆ ତଳେ

ଝୁଲି ପଡ଼ିଥିବା

ମଖମଲି ଅଭେଦ୍ୟ ଶ୍ଵେତପଦ୍ମ ଟିଏ।