ଶରତର ସେହଜାଦୀ

ଶୁଣ... ଏ ଶରତର ସେହଜାଦୀ

ସବୁଜ ସଲ୍ୱାର ସାଙ୍ଗେ 

ସଫେଦ ଓଢଣୀ ପକେଇ

ଏଥର ବି ଆସିଛୁ 

କଣ ପଢେଇବୁ ମୋତେ

ତୋ ପାଇଁ ପାଠ ସବୁ ମୁଁ

ପାଶୋରି ଗଲିଣି..

ଯାହା ଲେଖିଥିଲି ଡାଏରିରେ ମୋର

ଶ୍ରାବଣରେ ମୁଁ ଭସେଇ ଦେଲିଣି।

ଆଲୋ... ଏ ସାହେବାଣୀ

କହୁନୁ... କାହା ସଙ୍ଗେ

ପେଞ୍ଚ ପଡିଛି ତୋର?

କାହା ପାଇଁ ଏ କବିତା ଲେଖା,

କୋଉଠି ହଜିଛି ମନଟା ତୋର?

କହିବୁନି ... ତ !!!

ମୁଁ ବି ପାଇଛି ଚିଠିଟିଏ

ତୋ ନାଁ ରେ

ଟିପିଟିପି କାକର ଟୋପାରେ

ଧେତ

ଜହ୍ନ ରାତିରେ ତୋ ରେଶମୀ ଛୁଆଁ

ମୋତେ ଅଥୟ କଲାଣି

ସାରି ଆସୁଥିବା ଆୟୁଷ ସାଙ୍ଗେ

ତୋର ମୋର ଭାବ କାହିଁ

ଭଲ ଦିସୁନି।