ଲାଇବ୍ରେରୀ
ପ୍ରୋଫାଇଲ୍
ମୁକ୍ତି
ମୁକ୍ତି
1 min
377
ସୁନାପଞ୍ଜୁରୀ କି ରୁପାର ଥାଳି
କେଉଁଥିରେ ମୋର ପୁରୁନି ମନ
ମନ ଚାହେଁ ଖୋଲା ଆକାଶରେ
ଖୁସିରେ ବଞ୍ଚିବି ମୁକ୍ତ ଜୀବନ
ଲୋଡ଼ା ନାହିଁ ମୋର ଖିରି, ପୁରି, ଭାତ
ଅବା ରଜା ନଅର
ଗଛଲତା ମୋର ଜୀବନ ସଂଗୀତ
ବୃଥା ଲାଗେ ମତେ ଏ ନରକ ଘର
ମୋର ସାଙ୍ଗସାଥି କେତେ ଆନନ୍ଦରେ
ଫୁଲରୁ ଫୁଲକୁ ଉଡ଼ନ୍ତି
ହସରେ ଖୁସିରେ ଗୀତ ଗାଇଗାଇ
କେତେ ମଉଜରେ ରୁହନ୍ତି
ମୁକ୍ତି ଚାହେଁ ମୁହିଁ ମୁକ୍ତିଦିଅ ମତେ
ଉଦ୍ଧାର କର ଏ ଵିପଦୁ
ପ୍ରାର୍ଥନା କରୁଛି ମୋ ପରି କାହାକୁ
ବନ୍ଦୀ କରି ନ ରଖିବ ଆଉ
