ମୁକ୍ତି

ଅନ୍ଧକାରର କୋଠରୀରୁ 

ବାହାରି ଆସିଛି ମୁଁ 

ଆଲୋକର ଶିଖା ହୋଇ 

ମୁକ୍ତିର ଆଲୋକ ଆଜି 

ଖେଳିଯାଏ ତନୁମନ ଆଉ 

ସର୍ବାଙ୍ଗ ଶରୀରରେ 

ସତେ ଯେପରି ବନ୍ଦୀ ହୋଇଥିବା 

ଅନେକ ଦିନର କଏଦୀଟିଏ ମୁଁ 

ଆଜି ପାଇଛି କାରାଗାରରୁ ମୁକ୍ତି 

ଆଉ ପୁଣି କଠୋର ଶୁଙ୍ଖଳାରୁ ମୁକ୍ତି 

ସବୁକିଛି ଭୁଲିଯାଇ 

ମନ ଚାହୁଁଛି ଖାଲି ଦେଖିବ 

ଏଇ ରଙ୍ଗିନ ଦୁନିଆକୁ 

ଝରଣାର କୁଳୁକୁଳୁ ନାଦକୁ 

ଉପଭୋଗ କରିବ 

ପୁଣି ଶ୍ରାବଣର ଧାରାକୁ 

ଅଙ୍ଗେ ନିଭେଇବ 

ଶୀତ ସକାଳର ସୁନେଲି କିରଣକୁ 

ଅନୁଭବ କରିବ

ପୁଣି ମଧୁମୟ ବସନ୍ତକୁ 

ପ୍ରାଣଭରି ଉପଲବ୍ଧି କରିବ 

ସତେ ସ୍ୱାଧିନତାର ସ୍ୱାଦ 

କେତେ ମଧୁର ।