ଲାଇବ୍ରେରୀ
ପ୍ରୋଫାଇଲ୍
ମୁଇଁ ପଶ୍ଚିମ ଉଡିଶାର ଚାଷୀ
ମୁଇଁ ପଶ୍ଚିମ ଉଡିଶାର ଚାଷୀ
1 min
409
ମୁଁଇ ଆଏ ପରେ ପଶ୍ଚିମ୍ ଉଡିଶାର ଚାଷୀ
ବିଧାତା ଲେଖବାର୍ କେ ଭୂଲିଯାଇଛେ
ମୋର୍ କପାଳେ ଖୁସି
ଧାନ ମଣ୍ଡିଟେ ନାଇନ ବଲିକରି ମୁଇଁ ଅଭାବୀ ବିକ୍ରି କରସିଁ
ହେଥିର୍ ଲାଗି ହେଇନାଇଁ ପାରେ ପୂରା ମୋର୍ ସପନ କେନସି
ମୁଇଁ ଆଏ ପରେ.........
ଲୋକ୍ କହେସନ୍ ମୁଇଁ ପରେ ଜାନସି ଖେତ ନ ଫଲେଇ ସୁନା
ହେଲେ ମୋର୍ କୁଟୁମ୍ ନାଇଁ ପାଏ କେଭେ ମନଜାନି ଦାନାକନା
ମୁଇଁ ଆଏ ପରେ..............
ଚାଷବାସ୍ ଆରମ୍ଭ କରିଥିସି ଗହନା ଦେଇକରି ଘର୍ ଜମିନ୍ ଇନ
ମୋର୍ ଚାଷକେ ମରଡି ଖାଏସି ମୁଇଁ ପାଏସିଁ ବିଷମହରା ସିନ
ମୁଇଁ ଆଏ ପରେ.........
ଆଶାଟିକେ ଜାଗସି ମନେ ସରକାରୀ ଯୁଜନା ମାନ୍ କୁ ଶୁନିକରି
ସେ ଟା ପାଏବାର୍ କେ ଦୌଡି ଗୁଡଁର୍ ଚପଲ ଯାଏସି ସରିଘୁରି
ମୁଇଁ ଆଏ ପରେ.............
ଯେନ୍ ଗୁରଦୁଟେ ଯୁଜନା ସବୁ ହେଉଛେ କାଗଜକଲମ୍ ଥି ଖାଲି
ଶହେନୁ ଯଦି ଦଶଟା ମିଲତା,ମୁଇଁ ବି ପାରତି ଟିକେ ହଁସିଖେଲି
ମୁଇଁ ଆଏ ପରେ..........
