ମୁଗ୍ଧ ପାଠକର ଉକ୍ତି
ମୁଗ୍ଧ ପାଠକର ଉକ୍ତି
ଡହ ଡହ ଖରାବେଳେ
ବାସି କବିତାରେ
କଶି କଞ୍ଚା ଲଙ୍କାଟିଏ ଦଳି
ଅମୃତ କରି ପାରନ୍ତି
ଦୁଇ ମୁଠା
ଆମ୍ବିଳା ପଖାଳ ।
ଭୋକର
ହାଣ୍ଡିଶାଳ ଚାରିପଟେ
ମୁର୍ଦାର୍ ଭଳି ପଡିଥିବା
ଦଳେ ଅଂଧାର ପାଇଁ
ସଞ୍ଜ ସଳିତାଟିଏ ହୋଇ
ଛିଞ୍ଚି ପାରନ୍ତି
ନୂତନ ଆଶାର ଆଲୋକ ।
ସମୁଦ୍ର ବେଳାଭୂମିରେ
ଅତି ସହଜରେ
ପାଦରେ ଲହଡି ଭାଂଗିଲା ପରି
ଅତି ସସ୍ତାରେ
ବଢାଇ ଦିଅନ୍ତି
ମୁଠାଇ ଧରି ଥିବା
ଢେର୍ ସାରା ପାହାନ୍ତି ସକାଳ ।
ତୁମେ
ଆମେ
ସମସ୍ତେ
ଦେଖି ନ ଥିବା
ବର୍ଷା ଭିଜା କାନ୍-ଭାସ୍ ରେ
ପଖିଆଟେ ଘୋଡି
ଆଂକି ପାରନ୍ତି
ଅନେକ ଚରିତ୍ରର ପାଦ ଚିହ୍ନ ।
ଅଶୁଭ ମଣିଷର
ପିଠି ଥାପୁଡେଇ
ଆଖିରେ ଆଖି ମିଶାଇ
ଶିଖାଇ ଦିଅନ୍ତି
କୋଇଲିର କୁହୁ କୁହୁ,
କଜଳ ପାତିର
ଦାମ୍ଭିକତା,
ଫୋନିକ୍ସ୍ ପରି
ଆକାଶ କୁ ଭେଦିବାର
ଏକ୍-ଲା ପଣ ।
@ବିଜୟ କୁମାର ବାରିକ