ଲାଇବ୍ରେରୀ
ପ୍ରୋଫାଇଲ୍
ମୁଢ ମଣିଷ
ମୁଢ ମଣିଷ
1 min
332
ଶାନ୍ତି ଖୋଜୁଛି ମଣିଷ
ଆକାଶର ନିଳିମାରୁ
ପୃଥିବୀର ଶ୍ୟାମଳିମାରୁ
ନଦୀର କୁଳୁ କୁଳୁ ନାଦରୁ
ଝରଣାର ପାହାଡ଼ି ଗୀତରୁ
ପାହାଡ଼ର ପଥର ଛାତିରୁ
ଅରଣ୍ୟର ନିର୍ଜନତାରୁ
ଗଛଲତା, ପତ୍ର,ପବନର
ସନ୍ ସନ୍ ଶବ୍ଦରୁ।
ପୁଣି ଖୋଜୁଛି
ମେଡ଼ିକାଲ ବାରଣ୍ଡାର ତଳେ
ସାଲାଇନ ଲାଗି ମୃତ୍ୟୁ ସହ ଯୁଝୁଥିବା
ରୋଗୀର ସମ୍ପର୍କୀୟ ମାନଙ୍କ
କରୁଣ ଅସହାୟ ମୁହଁରେ
ଆମ୍ବୁଲାନ୍ସ ଶବ୍ଦରେ
ମଦ ଦୋକାନ ଆଗେ
ବେପରୁଆ ଗଡୁଥିବା
ଖାଲି ବୋତଲ, ଡବାର
ଟ ଣ୍ ଟାଣ୍ କାନ୍ଦରେ
ଡ୍ରେନ ଭିତରେ ମରି ପଡ଼ିଥିବା
ଅଚିହ୍ନା ଶବର ପଚା ସଢା ଦେହରେ।
ଖୋଜୁଛି
ସମ୍ପର୍କ ବେପାର ହାଟରେ
ପ୍ରତିଷ୍ଠା ନିଲାମ ବଜାରରେ
କ୍ଷମତା ବିସ୍ଫୋରଣରେ
ସ୍ଖଳିତ
ରୁଗଣ ମାନସିକତାରେ
ଡେଣାକଟା ବିବେକ ପ୍ରଜାପତିଟା
ଛଟପଟ
ଆପେ ତ ଧ୍ୱଂସର କାରଣ
ଭିତର ନ ଦେଖି
ବାହାରେ କଣ ଖୋଜୁଛୁରେ
ମୁଢ ମଣିଷ ।
