ମସ୍ତିଷ୍କ ହୃଦୟର ପ୍ରେମ କାହାଣୀ

ହେ ...ହୃଦୟ

ଜାଣେନା ତୁମେ କିଭଳି ଅନୁଭବ କର 

କିନ୍ତୁ ସତରେ ବ୍ୟଥିତ ହୋଇପଡେ ମୁଁ

ତୁମେ ଟିକିଏ ଆହତ ହେଲେ

ଜାଗ୍ରତ ହୋଇପଡ଼ନ୍ତି ତନ୍ତ୍ରୀ ମାନ ମୋର

ବିଦ୍ରୋହ କରି ଉଠନ୍ତି ସେମାନେ 

କ୍ରନ୍ଦନ ଶବ୍ଦରେ ତୁମ୍ଭର..

*ହୃଦୟ*

ତୁମର ଏହି ଉଦାରପଣିଆ ସତରେ

ଦେଖି ପାରନ୍ତିନି କେହି,

ସଭିଏଁ ବଖାଣି ବସନ୍ତି, ତୁମେ ଅଟ କ୍ରୁର

ଯାହାର ହୃଦୟ ନାହିଁ ।

ହେଲେ ମୋର ଟିକେ ଲୁହ ପାଇଁ ତୁମେ

ନିଅ କଠୋର ପଦକ୍ଷେପ

କୁହ କଟୁ ବାକ୍ୟ ପୁଣି କେବେ ତୁମେ

ଲଢ଼ିଯାଅ ସହସା ଯେ କୁରୁକ୍ଷେତ୍ର।

*ମସ୍ତିଷ୍କ*

ତୁମେ ଜାଣ ମୋର ପ୍ରେମ ଅନ୍ତରରୁ

ନୁହେଁ ଏହା କେଉଁ ସ୍ୱାର୍ଥର ମୋହତାଜ

ହେ ହୃଦୟ ,

ତୁମ ଓ ମୋର ସମ୍ପର୍କ ଅଟେ

ଚିରସ୍ଥାୟୀ ଓ ଚିରଞ୍ଜିବୀ 

ଯାହା ଭାଷାରେ ଅବର୍ଣ୍ଣନୀୟ।