ମୃତ୍ୟୁର କୋଳରେ

ମୃତ୍ୟୁର କୋଳରେ ନାହିଁ ଭେଦଭାବ

ଉଚ୍ଚ ନୀଚ୍ଚ ବଡ଼ ସାନ

ଜାତି ବର୍ଣ୍ଣ ଲିଙ୍ଗ ଧର୍ମ ନିର୍ବିଶେଷେ

ସଭିଏଁ ମୃତ୍ୟୁ ଅଧୀନ ।

ମୃତ୍ୟୁ ଧ୍ରୁବ ସତ୍ୟ ନିର୍ବିଶେଷ ସ୍ଥିତି

ବିଘଟନ ବିମୋଚନ

ମୃତ୍ୟୁ ସଂଶ୍ଳେଷଣ ମୃତ୍ୟୁ ବିରେଚନ

ପୁନଃରୁଦ୍ଭବ କାରଣ ।

ଜୀବନ ମୃତ୍ୟୁର ସମ୍ବନ୍ଧ ଘନିଷ୍ଠ

ଅଙ୍ଗାଙ୍ଗୀ ଭାବେ ଜଡ଼ିତ

ଏକ ମଧ୍ୟେ ଶୂନ୍ୟ ଶୂନ୍ୟ ମଧ୍ୟେ ଅନ୍ୟ

ପ୍ରଚ୍ଛନ୍ନରେ ଅବସ୍ଥିତ ।

ନିତ୍ୟ ନିୟମିତ ପ୍ରକୃତି ପ୍ରକ୍ରିୟା

ଅଟଇ ଜୀବନ ମୃତ୍ୟୁ

କର୍ମ ଧର୍ମେ ସର୍ବେ ବିଶୋଧନ ଅର୍ଥେ

ପ୍ରକାଶନ୍ତି ତେଜ ହେତୁ ।

ବାୟୁ ତେଜ ଜଳ ଭୂମି ଓ ଆକାଶ

ତତ୍ତ୍ଵ ମୂଳ ପଞ୍ଚଭୂତ

ସୁନ୍ଦର ସ୍ୱସ୍ତିକେ ହେଉ ସଞ୍ଚାଳିତ

ସ୍ୱଚ୍ଛନ୍ଦୁ ଜୀବଜଗତ ।

  ----