ମୃତ୍ୟୁର କୋଳରେ

ଜୀବନରେ ସବୁ ବିଶ୍ଳେଷଣ ଆଉ ସଂଶ୍ଲେଷଣ ପରେ ଆଜି 

ଏକ ଅବିସମ୍ବାଦିତ ସତ୍ୟ ଉନ୍ମୋଚିତ ସବୁ ଖୋଜି ଖୋଜି 

ମୃତ୍ୟୁ ହିଁ ଜୀବନର ଅଫେରା ଅତିଥି 

ନା ଖୋଜେ ଦିନ ନା ଖୋଜେ ତିଥି 

କେତେ ଗର୍ବ, କେତେ ଅହଂକାର, କେତେ ସ୍ୱାଭିମାନ 

ସବୁକିଛି ଧୂଳିସାତ ହୁଏ ରହେନା କିଛି ଅଭିମାନ 

ମୃତ୍ୟୁର କୋଳ ହିଁ ଚିରନ୍ତନ, ଏକମାତ୍ର ସତ୍ୟ 

ଯେଉଁଠି ଥାଏ ନିଃସ୍ୱତା, ନିରବତା 

ନଥାଏ ମାନ, ସମ୍ମାନ, ଯୌବନ ଆଉ ଧନ 

କେତେବେଳେ ଯେ କୋଳେନେବାକୁ ସ୍ଥିର କରେ 

କାହାକୁ ଦିଏନା ସମ୍ବାଦ 

ଏହା ହିଁ ଜୀବନରେ ଏକାନ୍ତ ନିଷ୍ଠୁର ସତ୍ୟ 

ଶୁଣିବାକୁ ଚାହେଁନା ଅନୁରୋଧ, ଲୁହ ଆଉ ଚିତ୍କାର 

ସାରା ବିଶ୍ୱ ଆଜି ଚିତ୍କାର କରୁଛି ମୃତ୍ୟର କୋଳରେ 

ସମସ୍ତେ ଆଜି ନିଃସ୍ୱ, ବେସାହାରା ଆଉ ନିରୁପାୟ 

ଏଇ ମୃତ୍ୟୁ ହିଁ ନିଷ୍ଠୁର ସତ୍ୟ, ମାତ୍ର ଶିଖାଇଦେଉଛି ଜୀବନର ରହସ୍ୟ ସବୁକିଛି ଅସ୍ଥାୟୀ, ସବୁକିଛି ମିଛ କେବଳ ସମସ୍ତେ ଲୋଟିଯିବେ ମୃତ୍ୟୁର କୋଳରେ ମୃତ୍ୟୁର ଡାକରା ପରେ.... ।