ଲାଇବ୍ରେରୀ
ପ୍ରୋଫାଇଲ୍
ମୃତ୍ୟୁର ଜୀବନ
ମୃତ୍ୟୁର ଜୀବନ
1 min
207
ତୁମେ ଦେଖିଥିବ ଅମାବାସ୍ଯାର ଜହ୍ନ
ମୁଁ ଦେଖିଛି ଜହ୍ନର ଅମାବାସ୍ଯା
ତୁମେ ଦେଖିଥିବ ଜହ୍ନର ଅଗ୍ନିଶିଖା
ମୁଁ ଦେଖିଛି ଶୀତଳ ସୂର୍ଯ୍ୟର ଅନ୍ଧକାର ।
ତୁମେ ଶୁଣିଥିବ ଏନ୍ତୁଡ଼ିଶାଳର କୁଆଁକୁଆଁ
ମୁଁ ଶୁଣିଛି ଆର୍ତ୍ତନାଦର ମଶାଣି ଶବଦ
ତୁମେ ଦେଖିଥିବ ଶବଦାହର ଦୃଶ୍ୟ
ମୁଁ ଦେଖିଛି ଶବଦାହକର ସାହସ ।
ତୁମେ ଦେଖିଥିବ ସଂସାରର ସମ୍ପର୍କ
ମୁଁ ଦେଖିଛି ସମ୍ପର୍କର ଘୃଣ୍ଯ ବେପାର
ତୁମେ ଦେଖିଥିବ ନାରୀର ସୁନ୍ଦରତା
ମୁଁ ଦେଖିଛି ନାରୀର ଚରିତ୍ରର ବିବିଧତା ।
ତୁମେ ଶୁଣିଥିବ ସକାଳର କାକଳୀ ରାବ
ମୁଁ ଶୁଣିଛି ରାତ୍ରିରେ ମହାନଗରର ପ୍ରଭାବ
ତୁମେ ଦେଖିଥିବ ନିଶ୍ଚେ ଜୀବନର ମୃତ୍ୟୁ
ମୁଁ ଦେଖିଛି ସମାଜେ ମୃତ୍ୟୁର ଜୀବନ୍ତ ତତ୍ତ୍ବ।
