ଲାଇବ୍ରେରୀ
ପ୍ରୋଫାଇଲ୍
ମୃତ୍ୟୁ
ମୃତ୍ୟୁ
1 min
77
କିଏ ବା ଜାଣିଛି ?
ମୃତ୍ୟୁପର ପାରେ କ'ଣ ଅଛି ?
ବିସ୍ତୃତ ନୀରବତା ନା ଅଜସ୍ର କୋଳାହଳ
ବିଜନ ଅନ୍ଧକାର ନା ଉଜ୍ଜ୍ୱଳ ଆଲୋକମୟ ।
ଅଜଣା ଅଚିହ୍ନା ଇଲାକା ସିଏ !!
କିଏ ଅଛି ସେଠି ଥାପିବାକୁ ହାତ ?
ଥାଏ କି ସେଠି ଭୟାନକ ଛବିମାନ ?
ନା ସେଠି ଅପରୂପା ପରୀ ବିଦ୍ୟମାନ !!
ଚୀର ଶୂନ୍ୟତାର ଆଭାସ ମାତ୍ର ,
ନା ପରିପୂର୍ଣ୍ଣତା ହୁଏ ଅନୁଭବ ।
ଛିନ୍ନ ହୋଇଯାଏ କ'ଣ ସବୁ ଯୋଗସୂତ୍ର ?
ନା ରହିଯାଏ କିଛି ହିସାବକିତାବ !!
ମେଲାଣି ବେଳର ନୀରବ ବେଦନା
ସାଥେ ଯାଇଥାଏ କି ତା'ର ?
ମନେପଡିଥାନ୍ତି କି ପ୍ରିୟପରିଜନ ?
ନା ଯୋଡ଼ିଥାନ୍ତି ସେଠି ନୂତନ ବନ୍ଧନ !!!
ମୃତ୍ୟୁ ଆନନ୍ଦମୟ ନା ଭୟଙ୍କର ??
ବିଦେହୀର ସେଠି କ'ଣ ବା ପରିଚୟ ???
ଅବାଞ୍ଛିତ ସମୟର ହୁଏ କି ଆରମ୍ଭ !!
ନା ଅବ୍ୟକ୍ତ ପରିପୂର୍ଣ୍ଣତା ରେ ହୋଇଯାଏ ନିଃଶେଷ ।।
