ମୃତ ଆତ୍ମା

 ବିଚାରପତି, ମୁଁ ହିଁ ଆସାମୀ,
‎ଆଉ ତୁମେ ହିଁ ସାକ୍ଷୀ ଆଉ ବିଚାର।
‎ଆମ ସମ୍ପର୍କର ଫାଇଲ୍ ଖୋଲି ବସିଛି,
‎ପ୍ରତି ପୃଷ୍ଠାରେ ତୁମ ନାମର ଦସ୍ତଖତ।
‎ରାୟ କ'ଣ ହେବ ଜାଣିନି,
‎କିନ୍ତୁ ଆଜୀବନ କାରାଦଣ୍ଡ ଦେବି -
‎ମୋ ମନରେ ତୁମକୁ ରଖିବାର।।
‎ଗଲା ଲୋକ ଯଦି ଥରେ ଫେରିଆସନ୍ତେ.......
‎ପ୍ରଥମେ ମୁଁ କିଛି କହୁନଥାନ୍ତି।
‎କେବଳ ଚାହିଁ ରହୁଥାନ୍ତି ତାଙ୍କ ଆଖିକୁ,
‎ଦେଖୁଥାନ୍ତି ସେଇ ଅଧୁରା କଥା ସେଠି ଅଛି କି ନାହିଁ।
‎ତାପରେ କୁହନ୍ତି - ଚାଲ ଆଉ ଥରେ ଆରମ୍ଭ କରିବା,
‎ଯେଉଁଠି ଆମେ ଭୁଲରେ ଷ୍ଟପ୍ ଦେଇଥିଲୁ।
‎ଗଲା ଲୋକ ଯଦି ଫେରିଆସନ୍ତେ.......... 
‎ଗୋଟେ ସନ୍ଧ୍ୟା,
‎ଚା' କପ୍ ରେ ଚିନି କମ୍ ଥିଲେ ବି କହୁନଥାନ୍ତି।
‎କେବଳ କୁହନ୍ତି - ଏଇ ଅଭ୍ୟାସ ଟା ତୁମର ଥିଲା,
‎ମୁଁ ଭୁଲିପାରିନି।
‎ଜାନାଲା ପାଖେ ବସି କୁହନ୍ତି,
‎ସେଇ ଅଧୁରା ସିରିୟଲ୍ ର ଶେଷ ଏପିସୋଡ୍ ଦେଖିବା ବାକି ଅଛି।
‎ଛିଣ୍ତା ସମ୍ପର୍କର ସୂତା ଆଜି ବି ଅଛି ମୋ ପାଖେ,
‎ଗଣ୍ଠି ପଡି ପଡି ମୋଟା ହୋଇଯାଇଛି।
‎ଯଦି ତୁମେ ଫେରିଆସନ୍ତେ...........
‎ସେଇ ଗଣ୍ଠି ଗୁଡିକୁ କହୁଥାନ୍ତି - ଏଇଟା ଅଭିମାନର, ଏଇଟା ଅପମାନର।
‎ତାପରେ ଦୁହେଁ ମିଶି କାଟିଦେଉଥାନ୍ତୁ,
‎ଆଉ ଗୋଟେ ନୂଆ ସୂତାରେ ଆରମ୍ଭ କରୁଥାନ୍ତୁ।
‎ଗଲା ଲୋକ ଯଦି ଫେରିଆସନ୍ତେ.......... 
‎