ଆଦ୍ୟା ଶକ୍ତିର ଆବରଣ

‎ନାରୀ ତନୁ ମାଂସ ଅସ୍ଥିରେ ନୁହେଁ ଖାଲି ଗଢ଼ା, 

‎ଏଥିରେ ନିହିତ ଆଦ୍ୟା ଶକ୍ତି ଜାଣ ହେ ନର!

‎ସୃଷ୍ଟିର ଗୁଢ ରହସ୍ୟ ବହେ ଏ ଦେହେ, 

‎ସେଥିପାଇଁ ପ୍ରକୃତି ତାକୁ ରଖେ ଆବରଣେ। 

‎ଯେ ପୁରୁଷ ବୁଝେ ଏ ମର୍ଯ୍ୟାଦାର ମହତ୍ୱ, 

‎ସେ ହିଁ ପ୍ରକୃତ ପୁରୁଷ କୁହାଏ ତତ୍ୱ। 

‎ନାରୀ କାମନା କରେନା କେବଳ ଶରୀର, 

‎ସେ ଚାହେଁ ବିଶ୍ୱାସ ଆଉ ଆଦର ନିର୍ଭର। 

‎ଦେହ ଦାନ ସହଜ, ଆତ୍ମଦାନ ଦୁର୍ଲଭ, 

‎ଯେ ନାରୀ କରେ ସମର୍ପଣ ସେ ଚାହେଁ ଚିରସାଥୀ ଅନୁରୂପ। 

‎ତେଣୁ ହେ ନର, ନାରୀକୁ ଦେଖ ଦେବୀ ସମାନ, 

‎ତାର ତନୁ ନୁହେଁ, ହୃଦୟକୁ କର ସ୍ପର୍ଶ ମହାନ। 

‎ତେବେ ହିଁ ତୁମେ ପାଇବ ସତିକାର ପ୍ରେମ। 

‎