ଲାଇବ୍ରେରୀ
ପ୍ରୋଫାଇଲ୍
ମରୀଚିକା
ମରୀଚିକା
1 min
492
ବିନା ମେଘେ
ଆଉ ବିନା ଶ୍ରାବଣରେ ଵି
ଦେଖାଏ ସତସତିକା ଭସା ବାଦଲର ଛବି
ମନ ଭିତରେ ଅଚିରେ ସୃଷ୍ଟିକରେ
ବରଷାରାଣୀର ଶୁଭ ଆଗମନ
ସତେକି ଆଜି ଏକ ଶୁଭ ଲଗନ
ହସିବ ଧରା
ଆଉ ଭିଜେଇବ ଶୁଖା ମନ
ଦେଖାଇବ କେତେ ନୂଆ ସୁନେଲି ସପନ
ପୁଣି,
ନିମିଷକେ ବଦଳାଏ ଚେହେରା
ବହୁରୂପୀ ସିଏ
ଆରେ ଇଏତ ବୈଶାଖୀ ଖରା ର ତାତି
ଅଂଶୁଘାତରେ ଘୁରିଯାଏ ମଥା ଆଉ
ଝାଳନାଳ ହୁଏ ଥରଥର ଛାତି
ଜଳିଯାଏ ପ୍ରାଣ
ହାରିଯାଏ ହୃଦୟ
ଥମିଯାଏ ଜୀବନ
ଭସ୍ମ ହୁଏ ସୁନା ସପନ
ପାଉଁଶ ହୁଏ ନିରିମାଖିର ଆଗମନ
ହସେ ମରୀଚିକା
ଆଉ
ଉଡ଼ାଏ ବିଜୟର ପତାକା l
