ମୋତେ ଲାଗୁଅଛି ଲାଜ

ଅଳପ ଅଳପ  କହୁଛି ଲାଜେଇ

ବିଲେଇ ମୁଜିଛି ଆଖି

ଆଖି ମୁଜିକରି ଚାଟିଲେ କ୍ଷୀରକୁ

ରହିବ ଜଗତ ସାକ୍ଷୀ l

ମୋତେ ଲାଗୁଅଛି ଲାଜ

ଜଗତ ହସିବ କଟାକ୍ଷ କରିବ

ଖୋଲିଗଲେ ମୋର ପେଞ୍ଚ l

ଲାଜ ଲାଗିଗଲା ସାଙ୍ଗ ଜାଣିଗଲା

ଶେଜରେ ମୁତିଛି କାଲି 

ହେଲି ଗର ଗର ଉପରେ ବୋଉର

ପ୍ରଘଟ କଲା ସେ ବୋଲି l

ନିଶ ମୋ ଉଠୁଛି ସାଥି ଚିଡାଉଛି

ନିଶ ଉପାଡୁଛି ମୁଇଁ

ନିଶ ନ ଉଠିଲେ ଦୁନିଆଁ ହସିବ

ପୁରୁଷତ୍ୱ ମୋର ନାଇଁ l

ଟିଉସନ ହୋଇ ବଢିଆ ପଢୁଛି

ସାରଙ୍କ କଥା କହୁଛି

ସାତଦିନ ହେଲା ଝିଅତ ଫେରିନି

ପାଠକୁ ଅଭ୍ୟାସ କରୁଛି l

ବାହାରେ ରହିକି ଭବିଷ୍ୟ ଗଢୁଛି

ରାତିରେ ହୋଟେଲ ଯାଉଛି

ପୁଲିସ ଧରିକି ଜିମାତ ଦେଇଛି

ବାପା ମୋ ଟଙ୍କାଯେ ଗଣୁଛି l

ପାଠରେ ମୁଁ ଦକ୍ଷ କଲେଜ ଯାଉଛି

ପଣିଖିଆ ଆସୁ ନାହିଁ

ଅକ୍ଷର ଜାଣିନି ଉତ୍ତୀର୍ଣ୍ଣ ହୋଇଛି

ଚାକିରି ମୁଁ ପାଉ ନାହିଁ l

ପ୍ରେମ ମୁଁ କରୁଛି ଲୁଚେଇ ଲୁଚେଇ

ପ୍ରେମିକା ଦେଖିକି ସ୍ୱପ୍ନରେ 

ମନ କଥା ତାକୁ କହିଟି ଦେବାରୁ

ଚପଲ ବାଜିଲା ଗାଲରେ l

ବିବାହ କରିଛି ଅପୂର୍ବ ସୁନ୍ଦରୀ

ଖୁସି ନୁହେଁ ମୋର ପ୍ରେମେ

ଧରମ ଭାଇକୁ ନିତି ଡାକୁଅଛି

ସିନ୍ଦୁର ମାରେ ମୋ ନାମେ l

ବିବାହ ସରିଛି ଛଅ ମାସ ହେଲା

ଛୁଆ ମୋ ଖେଳୁଛି ଦାଣ୍ଡରେ

ତୁମର ଛୁଆଟା ତୁମ ଅପରୂପ

ପତ୍ନୀ କହୁଅଛି ଖୁସିରେ l

ପୁଅ ବାହାଘର ଚଉଠି ରାତିରେ

ବୋହୂଯେ ଚମ୍ପଟ ମାରିଛି 

ସୁନା ରୁପା ଟଙ୍କା ସାଥେ ନେଇକରି

ପ୍ରେମିକ ସାଥେ ରହୁଛି l

ସାଙ୍ଗର ଭାରିଜା ଭାଉଜ ଡାକିକି

ଦେଖିଦେଲେ ତାର ହସ

ରାତିରେ ବାଉଳି ଚାଉଳି କୁ ଦେଖି

ଭାରିଜା ଛଡାଏ ହୋସ l

ବୟସ ସତୁରୀ ନିଶାରେ ଅଠର

ଉନ୍ମାଦେ ଦେଖି ନାତୁଣୀ

ଚୂନ କଳା ପଟି ମୁଣ୍ଡେ ଆଙ୍କି କରି

ଦାଣ୍ଡେ ବୁଲେ ବେଇମାନୀ l

ବାପ ଘରେ ପତ୍ନୀ ରହିଛି ଯାଇକି

ପଡିଶା ଘରେ ପଶିଲି

ପନ୍ଦର ହଜାରେ ଦେଇ ଫାଇନାଲ

ଇଜ୍ଜତ ମୋ ବଞ୍ଚାଇଲି l

ଗାଡି ଡ୍ରାଇଭର ସରସ ସୁନ୍ଦର

ଝିଅକୁ କଲେଜ ନେଉଛି

ବାନ୍ତି ବାରମ୍ବାର କରୁଛି ଓକାର

ଏସିଡିଟି ତାର ହୋଇଛି l

ବଳିଆ ଚାକର  ଘରକୁ ନିଜର

ଆଗ୍ରହେ କାମ କରୁଛି

ଶ୍ରୀମତୀ ମୋହର ଛାଡି ଘର ଦ୍ଵାର

ତା ସାଥେ ମୂଲ ଲାଗୁଛି l

ବଡ଼ଘର କଥା ମନେ ଦେବ ବ୍ୟଥା

ତା କଥା ଟିକେ କହୁଛି

ପୁଅ ବୋହୂ ତାଙ୍କ ଉଲଗ୍ନ ପୋଷାକେ

ନାଇଟି କ୍ଲବ ଯାଉଛି l

ପର ପୁରୁଷକୁ  ଜାବୁଡି କୁଣ୍ଢାଇ

ମଡ଼ନ ଡ୍ୟାନ୍ସ ସେ ନାଚୁଛି

କନ୍ୟା ରତନଟି ଲିଭି ଇନ କରେ

କୋଅଟ ସ୍ୱୀକୃତି ଦେଇଛି l

ଆଉ ଲାଗୁନାହିଁ ଲାଜ

ଇଜ୍ଜତ ମହତ କାହାର ଅଛିଯେ

ଖୋଲୁ ଥାଅ ଯେତେ ପେଞ୍ଚ l

ନେତା ପ୍ରଶାସକ ଧବଳ ପୋଷାକ

ପିନ୍ଧି କରେ ଯେ ଲୁଟପାତ

ଚୋରି ଡକାୟତି ହେଲେ ମୋର ନୀତି

ଲାଜ କିପାଇଁ ଆସିବତ l

ଚିରା ପେଣ୍ଟ ସାର୍ଟ ଆଜିର ଷ୍ଟାଇଲି

ପୋଷାକେ ନାହିଁ ସରମ 

ଛାତି ପେଟ ପିଚା ଦେଖେଇ ବୁଲିଲେ

କିପାଇଁ ତୁମେ ଗରମ l

ନିଶାକୁ ବିକିଲେ ପ୍ରାଇଜି ମିଳୁଛି

ଆନନ୍ଦେ ମଦ ପିଉଛି

ଦାଣ୍ଡରେ ଗଡ଼ିଲେ ଭାଷା ବଖାଣିଲେ

ତୁମକୁ ଲାଜ ଲାଗୁଛି l

ଲାଜ ଲାଗୁଅଛି  କହୁନି ମୁଁ କିଛି

ମଉନେ ରହୁଛି ମୁହିଁ 

କରେଣ୍ଟ ଲାଗିଲେ କ୍ଷମା କରିଦେବ

ନିଜର ଭାବିବ ନାହିଁ l