ମୋନାଲିସା

ମୋନାଲିସା 

ମୋନାଲିସା ମୋନାଲିସା

ତୁମ ଆଖିରେ ଭରିଛି

ଏମିତି ମହୁଲି ନିଶା;

ସେଇ ନିଶା ପିଇ

ମତୁଆଲା ହେଇ

ମୁଁ ଯେ ଭୁଲିଗଲଣି ମୋ ଦିଶା।

ମୋନାଲିସା ମୋନାଲିସା

ତୁମ ଓଠ ତ କହୁଛି

ପ୍ରେମ ପ୍ରଣୟର ଭାଷା ;

ସେଇ ଭାଷା ଶୁଣି

ମନେ ମନେ ଗୁଣି

ହୃଦେ ଜାଗିଲାଣି ନୂଆ ଆଶା।

ମୋନାଲିସା ମୋନାଲିସା

ମୋତେ ପାଗଳ କରୁଛି

ତୁମ ମୁଖ ସରୁ ନାସା ;

ଆଖି ମିଟିକାରେ

ମୋର ଛାତି ଥରେ 

ବିନା ମେଘରେ ଝରଇ ବର୍ଷା। 

ମୋନାଲିସା ମୋନାଲିସା

ତୁମ ଗାଲ ଛୁଇଁଦେଲେ

ଗୋଲାପ ବି କରେ ଈର୍ଷା;

କପାଳ ଯେ ତୁମ

କରେ ମତିଭ୍ରମ

ମନେ ବାନ୍ଧିଅଛ ପ୍ରେମ ବସା।

ମୋନାଲିସା ମୋନାଲିସା

ତୁମ କୁନ୍ତଳ ପରଶେ

ଭୁଲିଯାଏ ରାଗରୁଷା ;

ତୁମ ରୂପକାନ୍ତି

ମନୋହର ଅତି

ନାହିଁ ସୌନ୍ଦର୍ଯ୍ୟର ପରିଭାଷା।

ସନ୍ତୋଷ କୁମାର ନାୟକ

ବିଷମ କଟକ

ଜିଲ୍ଲା - ରାୟଗଡା

ମୋବାଇଲ - ୮୨୪୯୪୯୯୫୧୨