Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Romance

5.0  

ବି. ନିରୁପମା

Romance

ମୋ ସୁଖରୁ ନିଅ ଅଧା

ମୋ ସୁଖରୁ ନିଅ ଅଧା

1 min
415



ଏଇଭଳି ତୁମ ଓଠରୁ ରାଧିକେ

ହସ ଝରୁଥାଉ ସଦା ,

ସନ୍ତୋଷ ଚିତ୍ତରେ ଯାଚି ଦେଉଅଛି

ମୋ ସୁଖରୁ ନିଅ ଅଧା ।


ବିରସ ମନରେ ରହିବନି ଜମା

ଦେବନି ଦେହକୁ ପୀଡ଼ା ,

ତୁମ ମୋ ଭିତରେ ଦୂରତା ହିଁ ନାହିଁ

ସବୁବେଳେ ପାଖେ ଛିଡ଼ା ।


ଲୋକ ଜାଣିବାକୁ ଭିନ୍ନ ସିନା ତନୁ

ମନ ଦୁହିଁଙ୍କର ଏକ ,

ଆସିଛନ୍ତି ଆମେ ମରତବାସୀଙ୍କ

ହରିବାକୁ ଦୁଃଖ, ଶୋକ ।


ତୁମେ ଦମ୍ଭଧରି ରହିଥିଲେ ପରା

ଶିଖିବେ ମରତବାସୀ ,

ବିପଦ ଆପଦ କାଳରେ ଧଇର୍ଯ୍ୟ

ଧରିବେ ସେ ଆପେ ହସି ।


ତୁମ ନାମେ ଆଉ ଲାଗିବନି ଦୋଷ

ବିରହ ବିଧୁରା ବୋଲି ,

ସତୀ ଶିରୋମଣି ,ଶକ୍ତି ସ୍ୱରୂପିଣୀ

କହିବେ ସଭିଏଁ ଖୋଲି ।



Rate this content
Log in