Library
Profile
ମୋ' ଶୀତ ମାଉସୀ
ମୋ' ଶୀତ ମାଉସୀ
1 min
294
ମୋର ଛଅ ଗୋଟି
ମାଉସୀ ଭିତରେ,
ସବୁଠାରୁ ଭଲଲାଗେ
ମୋତେ ଗୋଟିଏ ମାଉସୀ l
ସବୁଠାରୁ ବଡ ଆଉ ରାଗି
ହେଲା ମୋ ' ଗ୍ରୀଷ୍ମ ମାଉସୀ
ତା' ଠାରୁ ଭଲ ଲାଗେ ଟିକିଏ
ମୋର ବରଷା ମାଉସୀ ।
ବରଷା ମାଉସୀ ଠାରୁ
ବେଶୀ ଆପଣାର ଲାଗେ
ମୋର ଶରତ ମାଉସୀ ।
ଶରତ ମାଉସୀ ଠାରୁ ମୋତେ
ବେଶୀ ଗେଲ କରି ଥାଏ'
ମୋର ହେମନ୍ତ ମାଉସୀ ।
ଏହି ମାଉସୀ ଠାରୁ ମୋତେ ବେଶୀ
ସେନେହ ଓ ଆଦର କରିଥାଏ'
ଆଉ କୁତୁକୁତୁ କରି ଥରାଇଦିଏ
ତାହାରି କୋଳରେ ଶୁଆଇଦିଏ ।
ତଥାପି ଏହି ମାଉସୀର ମଜା
ଆଉ ଗମାତିଆ କଥା ଟିକେ ନିଆରା
ମୋତେ ସବୁଠାରୁ ବେଶୀ ଭଲ ଲାଗେ,
ମୁଁ ମଧ୍ୟ ତାକୁ ଗେଲରେ କହେ ।
ଶୀତ ମାଉସୀ, ଶୀତ ମାଉସୀ
ମୁଁ ତୁମକୁ ବେଶୀ ଭଲ ପାଉଛି
ଆଉ ମୋର ସୁନା ନାକୀ
ନାକ କାନ୍ଦୁରୀ , ଫୁଲେଇ ।
ଗେଲ୍ହେଇ, ଲାଜେଇ ହେଉଛି
ସବୁଠାରୁ ସାନ ଆଉ ଅଭିମାନୀ
ମୋର ବସନ୍ତ ମାଉସୀ l
