Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

Sivaram Thakur

Inspirational


4.0  

Sivaram Thakur

Inspirational


** ମୋ ପରୀ **

** ମୋ ପରୀ **

1 min 185 1 min 185


ଗେଲ ବସରରେ ବଢି ଆସିଥିଲି       ମୁଁ ତ ପରୀ ଥିଲି ମାଆ ବାପାଙ୍କ

ଗେଲେ ଡାକୁଥିଲେ ମାଆ ବୋଲି ମୋତେ      ସତେ ପରୀ ଥିଲି ମୁହିଁ ତାହାଙ୍କ ।

ଏନ୍ତୁଡି ଶାଳରୁ ଆଜିଯାଏଁ ମୁଁ ଯେ       ସାଜିଛି ତାଙ୍କର କୋମଳ କଢି,

ସ୍ଵର୍ଗ ଅପସରୀ ମୁଁ ଯେ ତାଙ୍କ ପରୀ      ଗେଲବସରରେ ଆସିଛି ବଢି । 

କେବେ ଯେ କେମିତି ରାଗୁଥିଲା ମାଆ        ମୋତେ ନୁହେଁ ମୋର ବାପା ଉପରେ,

କହୁଥିଲା ଗେଲେ ରଖିଛ ଝିଅ କୁ       ଆମକୁ ଏବେ ଯେ କିଏ ପଚାରେ ।

ସମୟ ଆସିଲା ଟେକିଦେଲେ ମୋତେ        ଅଜଣା ଅଚିହ୍ନା ଯୁବକ ହାତେ ,

କୁନି ପରୀ ଟିଏ ହସିଲା କୋଳରେ      ଜୀବନ ସାର୍ଥକ କରିଲା ମୋତେ ।

ନାରୀର ଜୀବନ ହୁଅଇ ସାର୍ଥକ        ଯେବେ ମାଆ ଡାକ ଶୁଣେ ତା କାନେ ,

ବାପା ମାଆ ହେଲୁ ଆନନ୍ଦେ ନାଚିଲୁ     ଲକ୍ଷ୍ମୀ ବିଜେକଲେ ବୋଲି ଜୀବନେ ।

  ବାପା ମାଆ ଖୁସି ହେଉଥିଲେ ବେଶୀ       କହିଲେ ମୋ ପରୀ ମାଆ ହୋଇଲା ,

ଖୁସିରେ ନାଚିଲେ ଆମେ ବି ନାଚିଲୁ     ପିଲାଦିନ କଥା ମନେପଡିଲା ।


                                 


Rate this content
Log in

More oriya poem from Sivaram Thakur

Similar oriya poem from Inspirational