ମୋ ପିଲାଦିନ

କେତେ ସ୍ମୃତିଭରା ସେଇ ପିଲାଦିନ

   ମନେପଡ଼ିଯାଏ ବିତିଗଲା ଦିନ

ନିଆରା ଅନୁଭୂତିର ଅଭୁଲା ସ୍ମୃତି

   କି ସୁନ୍ଦର ସତେ ଆନନ୍ଦପ୍ରୀତି

ଖୋଜୁଛି ଆଜିବି ଅତୀତର ଖୁସି

  ମିଳି କି ପାରିବ ଚାହିଁଲେ ବି ବସି

ଯେତେ ବୁଝାଇଲେ ବି ବୁଝୁନି ଏ ମନ

 ବାରମ୍ବାର ଖୋଜୁଛି ସେ ପିଲାଦିନ

କେମିତି ଭୁଲିବି ହୃଦୟର ସ୍ମୁୃତିକି 

  ଅଭୁଲା ସ୍ମୃତି ସେ ଅଦ୍ଭୁତ ପ୍ରୀତି

ଆସିଯାଆନ୍ତା କି ଥରେ ସେଇ ଦିନ

  ଉଲ୍ଲସିତ ହୁଅନ୍ତା ଏ ଅତୃପ୍ତ ମନ

ଅପେକ୍ଷାରେ ଅଛି ଅପେକ୍ଷାରେ ଥିବି

  ଫେରିପାଇବାକୁ ଅତୀତର ଦିନ