ସାଧାରଣତନ୍ତ୍ର ଦିବସ

ବରଷକେ ଥରେ ଜାନୁଆରୀ ମାସ 

     ଛବିସ ଆସଇ ଧାଇଁ 

ସାଧାରଣତନ୍ତ୍ର ଦିବସ ଭାବରେ 

    ପାଳିଥାଉ ଖୁସି ହୋଇ ||

ସାରା ଭାରତରେ ହୋଇଅଛି ଆଜି 

    ରଙ୍ଗ ବେରଙ୍ଗର ସଜା 

ଉଡାଉଛୁ ଆମେ ଜାତୀୟ ପତାକା 

    ବଜାଇ ବିବିଧ ବାଜା ||

କୁନି କୁନି ପିଲା ଭାଇ ଓ ଭଉଣୀ 

   ଜାତୀୟ ସଂଗୀତ ଗାଇ 

ପତାକାକୁ ଛୁଇଁ ପ୍ରଣାମ କରୁଛୁ 

   ଶାନ୍ତି ପ୍ରୀତି ମୈତ୍ରୀ ପାଇଁ ||

ପଚାଶ ମସିହା ଯାଇଛିରେ କହି 

   ଏ ଜାତିର କାନେ କାନେ 

ସାରା ପୃଥିବୀରେ ଭାରତ ମାତାର 

  ସମ୍ମାନ ଅକ୍ଷୁର୍ଣ୍ଣ ରହୁ ସ୍ଥାନେ ||

ପୂର୍ଣ୍ଣ ସ୍ୱାଧୀନ ସ୍ୱଚ୍ଛ ସମ୍ବିଧାନେ

   ସତ୍ୟ ଧର୍ମ ନ୍ୟାୟ ମାର୍ଗ  

ସର୍ବ ଧର୍ମ ଜାତି ସମାନ କରିଣ 

   ମନରେ କରିବା ଗର୍ବ ||

ସାଧାରଣତନ୍ତ୍ର ଲେଖି ସମ୍ବିଧାନ 

 ପ୍ରଣୟନ କଲେ ଦେଇ ଆହ୍ୱାନ 

ଜନତାର ହିତେ ଜନତାର କର୍ତ୍ତେ 

    ଜନତାର ନିମନ୍ତେ ||

ଭାରତ ମାତାର ସୁବୀର ସନ୍ତାନ 

  ମାତା ତୁମକୁ କୋଳେ ପାଇଣ 

ହୋଇଛି ମହାନ ହୋଇଛି ଧନ୍ୟ 

   ହେ ଡ଼ଃ. ଆମ୍ବେଦକର ||

ଆଜିର ଶିଶୁ କାଲିର ନେତା 

    ହୋଇ ଗଢିବା ଦେଶ 

ନଥିବ ମାନ ନାହିଁ ଅଭିମାନ 

    ନଥିବ ହିଂସା ଦ୍ୱେଷ ||