ଅତୀତ କି ଫେରେ

ଫେରି ବନି ଅତୀତଟା 

ଯାହା ଥରେ ଯାଇଛି ଚାଲି 

ଅତୀତ କଥା ସୁମରି 

ହାତ ଠାରି ଡାକେ ଖାଲି ।

ପିଲା ବେଳ ସାଙ୍ଗ ମେଳ 

ମିଛି ମିଛିକା ବାହାଘର ଖେଳ 

ଆମ୍ବ ତୋଟା ଢେଲା ମାଡ 

ନିଧି ଅଜାଙ୍କର ତାଗିଦ ଜବର ।

ଅବଧାନଙ୍କର ଚାହାଳୀ ପାଠ 

ଭାରି କଷ୍ଟ ପଣକିଆ ଡାକ 

ଗଣ୍ଡା କୋଡ଼ି ହଳର ହିସାବ ସାଥେ 

ବର୍ଣ୍ଣମାଳାର ଶବ୍ଦ ଭଣ୍ଡାର ।

ଫେରି ଆସିବନି ଅତୀତ ଘଟଣା 

ସାଙ୍ଗ ସାଥୀ ଥିଲେ ଯେତେ ଗାଁରେ 

ଆଜି ସମସ୍ତେ ସହର ମୁଖା 

କେବେ ନ ହୁଏ ତାଙ୍କରି ଦେଖା ।

ଅତୀତ କଥା ମନରେ ଭାଳି 

ଭାରି ହୁଏ ମନ ନ ହୁଏ କଳି 

କିଏ ଫେରେଇବ ସେଦିନ କଥା 

ଯାହା ଲେଖା ଅଛି ଅତୀତ ଗାଥା  ।