ଶାନ୍ତି
ଶାନ୍ତି
ଧର୍ମ ବିରୋଧୀ ମତ ଭିତରେ
ଦେଶହୁଏ କଳୁଷିତ
ଭାତୃତ୍ବ ଭାବନା ଛିନ୍ନ ହୁଏ ଆଜି
ଦେଶ ପ୍ରୀତି ନିର୍ବାପିତ।
କେମିତି ସମୟ ଆସିଛି ଏଇରେ
ଭାଇ ଭାଇ ଧରି ଛୁରୀ
ପଥର ପ୍ରହାର କରନ୍ତି ଏଠାରେ
ହିଂସାର ପଥ ଆଚରି।
କାହିଁକିରେ ଭାଇ ଏ ସବୁ ବିଦ୍ବେଷ
ମନରେ ବିଦ୍ରୋହ ନିଆଁ
ଜଳିଯିବ କ୍ଷଣେ ସୁନ୍ଦର ପୃଥିବୀ
ହୋଇଯିବ ସବୁ ସ୍ବାହା।
ସମୟ ନୁହେଁରେ ଅନ୍ୟର କଥାରେ
ବିବେକକୁ ବଳିଦେବା
ହିଂସା ଆପଣାଇ ନିଜର ଗୃହରେ
ଅଗ୍ନିକଣା ବୁଣିଦେବା।
ଜଳିଲେ ନିଆଁରେ ସମସ୍ତେ ପୋଡିବା
ଛାଡିବନି ଏକ ଘର
ବାଛିବନି ଧର୍ମ ସର୍ବେ ଝୁଲୁସିବା
ସବୁ ହେବ ଝାରଖାର।
ଶିଶୁରୁ ମହିଳା ଛାଡ ପାଇବେନି
ହାହାକାର ଖେଳିଯିବ
ଧାବଧାନ ହୁଅ ବେଳସୁ ଭାଇରେ
ଶାନ୍ତି କଥା ଟିକେ ଭାବ।