ମୋ ପାଇଁ ସ୍ୱାଧୀନତା

ମୁଁ ଖୋଜୁଛି ସ୍ଵାଧୀନତାର ମାନେ 

ଦି ପାଦ ଭୂମି ଆଉ ମୁଠାଏ ଆକାଶରେ

ଯେଉଁ ଭୂମିରେ ପାଦ ରଖି 

ଦେଖିପାରିବି ଭୂମାର ସ୍ଵପ୍ନ

ଯେଉଁ ଆକାଶରେ 

ମନଖୋଲା ଉଡ଼ିପାରିବି ଡ଼େଣା ଝାଡ଼ି

ନ ଥିବ ସେଠି 

ପୁରୁଷ ବା ନାରୀର ଭେଦଭାବ ,

ସ୍ଵପ୍ନ ଦେଖିବାରେ କିଛି ଉଚ୍ଚ ନୀଚ ଭାବ

ଉନ୍ମୁକ୍ତା ତଟିନୀଟିଏ ପରି

କୁଳୁକୁଳୁ ନାଦ କରି

ବହିଚାଲିଥିବି ମୁଁ 

ମୋ ହୃଦୟ ଗହ୍ବରର 

ଆସୁମାରୀ ଆଶା ,

ସ୍ଵାଧୀନ ଭାବେ ପରିପକ୍ଵତା ଲାଭ କରିବାରେ 

ଯେଉଁଠି ହୋଇପାରୁଥିବେ ସମର୍ଥ 

ମୁଁ ଆଜି ବି ଖୋଜୁଛି 

ସେହି ସ୍ଵାଧୀନତାର ଠିକଣା 

ତୁମ ସାମର୍ଥ୍ୟ ଓ ମୋ ଅସାମର୍ଥ୍ୟର 

ନିସ୍ତେଜ ମରୀଚିକା ଧାରେ....।