🌹ମୋ ଓଡିଶା 🌹

ମୋ ପ୍ରିୟ ଓଡ଼ିଶା  କଳିଙ୍ଗ ଉତ୍କଳ 

   ଯା ନାମ ମହୀରେ ଖ୍ଯାତ 

ସେ ମାଟି ପବନେ   ଗଢା ମୋ ଜୀବନ   

   କରେ କୋଟି ପ୍ରଣିପାତ ll

ତା ସବୁଜ କୋଳ  ଶସ୍ୟଶ୍ୟାମଳାରେ 

   ଭରିଥାଏ ସବୁବେଳେ 

ରହେନି ଅଭାବ  ଅନାଟନେ କେହି 

    ମାଆ ପରି ସିଏ ପାଳେ ll

ଅମୃତର ଧାର  ନିର୍ଝରିଣୀ ନୀର 

    ଦିଏ ସେ ବୁହାଇ ବକ୍ଷ

ମସ୍ତକେ ମୁକୁଟ  ଦେଓମାଳି ଗିରି 

    ଦିଶୁଥାଏ ଝକ୍ ମକ୍ ll

     

ଖଣି ଖାଦାନରେ  ହୀରାନୀଳା ମଣି

    ରତ୍ନ ଗର୍ଭା ମାଆ ମୋର 

କଳକାରଖାନା   ଶିଳ୍ପ ସମୃଦ୍ଧିରେ

   ବିକଶଇ ନାମ ତା'ର ll

    

ମନ୍ଦିର, ସହର   ତାରକସି କାମ 

    ହେଉ ପାଟ ମଠା ଲାଖ 

 ଅଭୟା ଅରଣ୍ୟ ପର୍ଯ୍ୟଟନସ୍ଥଳୀ   

   ଜୈବମଣ୍ଡଳ ପ୍ରମୁଖ ll

    

ସାହିତ୍ୟ,  ସଂସ୍କୃତି  କଳାରେ ମଣ୍ଡିତ 

   ବିଶ୍ବେ ଖ୍ଯାତ ଜଗନ୍ନାଥ  

ସ୍ପପ୍ନର ଓଡିଶା  ହସିବ ଭାରତେ 

   ହୋଇବ  ଜଗତେ ଖ୍ଯାତ ll