ମୋ' ନୁଆ ବର୍ଷ

ଆନନ୍ଦ ଉଲ୍ଲାସେ ପ୍ରକମ୍ପିତ ହେଉ ଉତ୍କଳ ମାଟି

ପ୍ରତି ଦାଣ୍ଡରେ ପଡ଼ୁ ଓଡ଼ିଆଣୀଙ୍କ ସୁନ୍ଦର ଝୋଟି, 

ଉତ୍ସବମୁଖର ହେଉ ଏ କଳାସଂସ୍କୃତିର ଧରଣୀ

ପ୍ରତି ମନେ ଅଙ୍କୁରିତ ହେଉ ନୁଆବର୍ଷର ବାଣୀ, 

ସାରା ଦେଶ ଓ ବିଶ୍ୱକୁ ଜଣାଅ ଏ ଓଡ଼ିଶା କଥା

ମଥାପାତି ପ୍ରଣିପାତ କରିବା ମାଟିକୁ ଭୁଲି ବ୍ୟଥା, 

ସବୁରି ମନରେ ଜନ୍ମ ନେଉ ଓଡ଼ିଆ ସ୍ୱାଭିମାନ

ସୈନିକ ସାଜି ରଖିବା ଓଡ଼ିଆ ଭାଷାର ସମ୍ମାନ, 

ଆସ ସଂକଳ୍ପ ନେବା ପ୍ରତିଦିନ କିଛି ଲେଖିବା

ଓଡ଼ିଆ ପଣକୁ ଓ ଭାଷାକୁ ବିଶ୍ୱବିଦିତ କରିବା, 

ଜୟ ଜଗନ୍ନାଥ, ମା' ଶାରଳାଙ୍କ ନେଇ ଆଶିଷ

କଳା, ସଂସ୍କୃତିକୁ ବଞ୍ଚାଲେ ରହିବ ଆମ ନିଶ୍ୱାସ।