ଜାଗିଉଠ ଆରେ କଙ୍କାଳ

ଜାଗିଉଠ ଆରେ ଦୁର୍ବଳ କଙ୍କାଳ ଧର କରେ କରବାଳ

ଅସହାୟ ହୋଇ କାହିଁ ଲୋଟି ଅଛ ଅତ୍ୟାଚାରୀ ପାଦ ତଳ ।

ହାତରେ ମୁଷଳ ହୃଦୟେ ସାହାସ ଠୁଳ କର ଠୁଳ କର

ଆତତାୟୀଙ୍କର ନିଷ୍ଠୁର କ୍ରୁରତା ଦୂର କର ଦୂର କର .

ଅନ୍ୟାୟ ଅନୀତି ପରିପୃଷ୍ଟ ଏଠି ହନ୍ତସନ୍ତ ଧରାତଳ

ଜାଗି ଉଠ ଆରେ ଦୁର୍ବଳ କଙ୍କାଳ ଧର କରେ କରବାଳ ।।

ଆଜି ଏତେବେଳେ ମଉନ କାହିଁକି ବୀରତ୍ୱର ପେଡ଼ି ଖୋଲ

ଜାଗ୍ରତ ହୁଅରେ ଆଳସ୍ୟକୁ ତେଜି ମୁକତି ପଥରେ ଚାଲ ।

ଗୋରାଠୁ ଆରମ୍ଭି ମୋଗଲ ପର୍ଯ୍ୟନ୍ତ କେତେରାଜା ସେନାକେତେ

ପୂରୁବ ଗୌରବ ସାହସର ଗାଥା ଭୁଲି ଯାଇଛ କି ସତେ ।

ପ୍ରାକ୍ତନ ଭାରତେ ଶୋଷଣ ବିରୋଧୀ ମନେ ପକାଅ କଙ୍କାଳ

ଅସହାୟ ହୋଇ କାହିଁ ଲୋଟି ଅଛ ଅତ୍ୟାଚାରୀ ପାଦ ତଳ ।

କେତେଯେ ସହିବ ଅନ୍ୟାୟ ଅନୀତି ରକ୍ଷା କର ସ୍ୱାଭିମାନ

କାଳ ଇଙ୍ଗିତରେ ସବୁ ଲୁଚିଯିବ ଅମର ହୋଇବ ନାମ ।