ମୋ ମନ ମନ୍ଦିରେ ମୋ କଳାଠାକୁର

ମୋ ମନ ମନ୍ଦିରେ ମୋ କଳା ଠାକୁର

     ଖୋଜିବି କାହିଁକି କେଉଁଠି.

ମୋ ମନ ଦୁଆର ଖୋଲି ମୁଁ ପ୍ରଭୁଙ୍କୁ

     ଦର୍ଶନ କରିବି ଏଇଠି.

ମୁହିଁ, ଘରେ ଜାଳି ଦୀପ ବଇଠି. l0l

ଆଖି ନ ଦେଖିଲେ ନ ଦେଖୁ ପଛକେ

     ମନରେ ତା ଛବି ଆଙ୍କିବି.

ପ୍ରତି ପ୍ରାଣେ ସିଏ ପ୍ରାଣ ରୂପେ ଥାଏ

     ସଭିଙ୍କୁ ଈଶ୍ୱର ମଣିବି.

ହଜିଯିବି ମୁହିଁ ମଜିଯିବି  ମୁହିଁ

     ଭାବରେ ଭାବରେ ତାଙ୍କଠି. l1l

ପଡୁ ପଛେ ତାଲା ମନ୍ଦିର ଦୁଆର

     ସବୁଠି ତାଙ୍କୁମୁଁ ଦେଖୁଛି.

ସେହି ଭାବ ଧରି ମନ ଦୃଢ କରି

     ପ୍ରତିକ୍ଷଣେ ତାଙ୍କୁ ଚିନ୍ତୁଛି.

ତା ଭକ୍ତି ପ୍ରେମରେ ମଜି ହଜିଗଲେ

     ଦର୍ଶନ ମିଳଇ ସବୁଠି.l2l

କୁରୁସଭା ତଳେ ଗଜ ଡାକ ବେଳେ

     ଭକତେ ଵିପଦୁ ଉଦ୍ଧାରି.

ଥିଲେ ସେ ଖମ୍ବରେ ପ୍ରହ୍ଲାଦ ଉଦ୍ଧାରେ

     ହିରଣ୍ୟକ ବୁକୁ ଚିରି.

ମୁଁ ଯଦି ହୋଇବି ତାଙ୍କ ସମ ଭକ୍ତ

     ଦର୍ଶନ ମିଳିବ ଏଇଠି. l3l