ମୋ ମାତୃଭାଷା ମୋ ଜୀବନ

ଆମ ମାତୃଭାଷା ଆମର ଜୀବନ

ପ୍ରାଣର ସ୍ପନ୍ଦନ ସେହି,

କେତେ ମିଠା ଲାଗେ ପ୍ରତିଟି ଶବଦ

ନିଏ ଆମ ମନ ମୋହି l

ଦରୋଟି କଣ୍ଠରେ ସେଇ କଥା କହି

ଆମେ ହୋଇଅଛେ ବଡ଼,

ମାଆ ମାତୃଭାଷା ମାତୃଭୂମି ବିନା

ଆମ ଜୀବନଟି ଜଡ଼ l

ଜଣାଣ ଭଜନ ଗଳପ କବିତା

କେତେ ଭାବେ ହୋଇ ଲେଖା,.

ଜ୍ଞାନକୁ ବଢାଏ ନୀତିଶିକ୍ଷା ଦିଏ

ଜୀବନରେ ଦିଏ ଦୀକ୍ଷା l

କେତେ ଗୁଣୀ ଜ୍ଞାନୀ ମହିଷୀଙ୍କ ଦ୍ୱାରା

ହୋଇଅଛି ଭାଷା ପୁଷ୍ଟ,

ଗୀତା ଭାଗବତ ବେଦ ଉପନିଷଦ

ତାଙ୍କ ଦ୍ୱାରା ହୋଇ ସୃଷ୍ଟ l

ଦୂରେ ଆମେ ଯଦି ରହିଯାଉ କେବେ

ମନ ଝୁରୁଥାଏ ଆମ,

ଶୁଣି ଦେଲେ କାହା ମୁଖରୁ ପଦଟେ

ଲାଗେ ହୋଇଗଲୁ ଧନ୍ୟ l

ଆମ ରକତର ପ୍ରତି ବିନ୍ଦୁ ଧାରେ

ସେ ଭାଷା ହୋଇଛି ଲେଖା,

ଭୁଲିବାନି ତାକୁ ସମ୍ମାନ ଦେବା

କରିବାନି ଅଣଦେଖା l

ଆମ ସଂସ୍କାର ଆଉ ସଂସ୍କୃତିର

ବାର୍ତ୍ତାବହ ମାତୃଭାଷା,

ଓଡ଼ିଆ ଭାଷାଟି ଗରବ ଆମର

ଗଉରବ ଭରା ଆଶା l

ଫେବୃୟାରୀ ଏକୋଇଶି ଦିନ ଏହା

ପାଇଲା ଶାସ୍ତ୍ରୀୟ ମାନ୍ୟ,

ଆସରେ ସଭିଏଁ ଶପଥ ନେବା

ବଢାଇବା ତା'ର ମାନ l