🌹ମୋ ମା'🌹

ସୁଖ ଦୁଃଖ ମିଶା ଅଥଳ ସଂସାରେ

     ମାଆ ମୋର ସାହା ହୁଏ

ଦୁଃଖର ଯନ୍ତ୍ରଣା ଭଉଁରୀ ଗରଭେ

     ନିଜକୁ ବୁଡାଇ ଦିଏ

ଦଶ ମାସ ଦଶ ଦିନ ଗଣୁଥାଏ

     ଶୁଣିବାକୁ କୁଆଁ ରାବ

କେତେ ଦେବା ଦେବୀ ଇଷ୍ଟ ସେ ପୁଜିଛି

     ବ୍ରତ, ପୁନିଅ ପରବ

ଗର୍ଭ ଯନ୍ତ୍ରଣାର କଷ୍ଟ ସେ ସହିଛି

     ମାଆ ଡାକ ଶୁଣିବାକୁ

ଆକାଶ ପରି ତା ବିଶାଳ ହୃଦୟ

     ନାହିଁ ସମ କିଏ ତାକୁ

ଭୋକ ଉପାସରେ ନିଜକୁ ଜଳାଇ

     ନିଗାଡି ଦିଏ ଅମୃତ 

ବାରମାସେ ତେର ମାନସିକ କରେ

     କରେ ସେ ମଉନ ବ୍ରତ

ଅଭାବ ଦୁନିଆ ତେଲ ଲୁଣ ତାକୁ

    କରି ନପାରଇ ନାଶି

ଯନ୍ତ୍ରଣାକୁ ଭୂଲି ହସୁଥାଏ ସିଏ

    ସ୍ବର୍ଗାଦପୀ ଗରିୟସୀ

ଲହୁ ଲୁହ ଦେଇ ଜୀବନ ଦେଇଛି

    ମାଆ ମୋ ମମତା ମୟୀ 

ତା'ର ଆଶୀର୍ବାଦ ରହୁ ମୋ ମଥାରେ

    ହେବି ମୁଁ ଜଗତ ଜୟୀ