🌹ମୋ ମା ଶ୍ରେଷ୍ଠ 🌹

ଭାରତ ମୋର ଜନମ ଭୂମି 

   ତା କୋଳେ ଜନମ ମୋର 

 ନାନା ଜାତି ଫୁଲ ଫଳେ ଭରା

   ଝରଇ ଅମୃତ ଧାର

କେତେ ସାଧୁସନ୍ଥ ଜନମି କୋଳେ 

   ପାଳିଛି ସନ୍ତାନ ପରି 

ପୂଣ୍ଯ ଭୂମି ସେ ଧରମ ଭୂମି 

   ଶତ୍ରୁକୁ ଦିଏ ସଂହାରି

 ନାହିଁ ଧର୍ମ ଭେଦ ହିନ୍ଦୁ ଜଇନ

   ମୁସଲିମ୍ ଖ୍ରୀଷ୍ଟିୟାନ 

 ସଭିଁଙ୍କୁ ପାଳଇ କରି ଆପଣାର  

   ସତେକି ନିଜ ସନ୍ତାନ

 ଗଙ୍ଗା ଗୋଦାବରୀ କୃଷ୍ଣା କାବେରୀ 

   ଢାଳଇ ଅମିୟ ନୀର 

 କେତେ ଯୋଦ୍ଧା ପୁଣି ଜନମ ଦେଇଛି 

  ପିଆଇ ବକ୍ଷର କ୍ଷୀର

 ଅମୃତ ଝଙ୍କାର ସୁପ୍ରଭାତେ ନିତି 

   ଚଉଦିଗେ ଭାସି ଆସେ 

 ଆଲୋକ ଦୀପାଳୀ ମଶାଲକୁ ଧରି 

    ସନ୍ଧ୍ୟା ତାରା ନିତି ହସେ

ପ୍ରଚାରିଲେ ଧର୍ମ ତ୍ଯାଗ ସେବା ଶାନ୍ତି 

    ଧର୍ମଗୁରୁ ଶ୍ରୀଚୈତନ୍ୟ

କବିର  ବିବେକ ସେ ପରମହଂସ 

    ତୁଳସୀ ଦାସ ମହାନ

 ଗୀତ ଭାଗବତ ପୋଥି ପୁରାଣରେ 

     ମୋ ଭାରତ ବିଶ୍ୱେ ଶ୍ରେଷ୍ଠ 

 ଯେତେ ଗୁଣଗାନ କରିଲେ ସରେନି

    ମୋ ପାଇଁ ସିଏ ବିଶିଷ୍ଟ