ମୋ କଟକ

କଟକ ରେ ଜନ୍ମ ମୁହିଁ ଅଟେ କଟକିଆ

ସବୁଠାରୁ ଭଲ ଅଟେ ଏଇ ମୋ ଦୁନିଆ l

ମୋ ସହର ଅଟେ ପରା ଅଧିକ ସୁନ୍ଦର

ଜନ୍ମଭୂମି ଅଟେ ଏହି କଟକ ମୋହର l

ଓଡିଶା ର ରାଜଧାନୀ ପୂର୍ବେ ଏହା ଥିଲା

ଭୁବନେଶ୍ୱର ଯେ ପୁଣି ପଛରେ ହୋଇଲା l

ସିଲିଭର ସିଟି ବୋଲି ଜାଣନ୍ତି ସରବେ

ମିଲେନିୟମ ସିଟି ପୁଣି କହୁ ଯେ ଗରବେ l

ଓଡ଼ିଶାର ବଡ ନଦୀ ମହାନଦୀ ଜାଣ

କଟକ ରେ ପ୍ରବାହିତ ଆନିକଟେ ପୁଣ l

କାଠଯୋଡ଼ି, ମହାନଦୀ ମଝିରେ କଟକ

ଯିଏ ଆସେ ଏହିଠାରେ ହୁଅନ୍ତି ଅଟକ l

କଟକ ଚଣ୍ଡୀ ମା ପୁଣି ଏଠି ବିରାଜିତ

ଘଣ୍ଟ ଘୋଡେଇ ରଖିଛି କଟକ କୁ ସେତ l

ବାରବାଟୀ ଦୁର୍ଗ ଅଟେ ଓଡ଼ିଶାରେ ଖ୍ୟାତ

ଓଡ଼ିଶାରେ ନୁହେଁ ପୁରା ଦେଶରେ ବିଖ୍ୟାତ l

ଉଚ୍ଚ ନ୍ୟାୟଳୟ ପରା ଏହିଠାରେ ସ୍ଥିତ

କେତେ ଦୋଷୀ, ଅପରାଧୀ, ଏଠାରେ ଦଣ୍ଡିତ l

ବିଶ୍ୱବିଦ୍ୟାଳୟ ମଧ୍ୟେ ରେଭେନ୍ସା ବିଖ୍ୟାତ

ଏହିଠାରେ ପଢି କେତେ ହୋଇଛନ୍ତି ଖ୍ୟାତ l

ବାରବାଟୀ ଷ୍ଟାଡିଅମ ଓଡିଶା ମଧ୍ୟରେ

ବଡ ଷ୍ଟାଡିଅମ ବୋଲି ନ ଜାଣେ କିଏରେ l

କ୍ରିକେଟ ଖେଳ ପାଇଁଣ ଅଟେ ଏହା ଖ୍ୟାତ

ଭାରତୀୟ ଦଳ ଖେଳେ ବିଦେଶ ସହିତ l

ଧବଳେଶ୍ୱର ଘାଟ ଆଉ ଝୁଲା ପୋଲ ପାଇଁ

ଦେଖିବାକୁ ନିତି କେତେ ଆସିଥାନ୍ତି ଧାଇଁ l

ତାରକସୀ କାମ ପାଇଁ କଟକ ପ୍ରସିଦ୍ଧ

ନିଖୁଣ କାର୍ଯ୍ୟ କରନ୍ତି କାରିଗର ମଧ୍ୟ l

ଦହିବରା ଆଳୁଦମ କଟକିଆଙ୍କର

ପ୍ରସିଦ୍ଧ ଅଟଇ ପରା ରାଜ୍ୟର ଦେଶର l

ସାଲେପୁର ରସଗୋଲା ଦେଶ ଓ ବିଦେଶେ

ପସନ୍ଦ କରନ୍ତି ସର୍ବେ ମିଠାର ଯେ ବେଶେ l

ଦଶହରା ଦୁର୍ଗା ପୂଜା, ଆଉ କାଳୀ ପୂଜା

ପ୍ରସିଦ୍ଧ ପର୍ବ ପାଳନ୍ତି କରି ସାଜ ସଜ୍ଜା l

କଟକର ବାଲିଯାତ୍ରା ଦେଖିବା ପାଇଁକି

ପର୍ଯ୍ୟଟକ ରାଜ୍ୟ ଦେଶୁ ଆସନ୍ତି ଧାଇଁ କି l

ବୀର ସଂଗ୍ରାମୀ ଅଟନ୍ତି ନେତାଜୀ ସୁବାଷ

ଏଇଠାରେ ଜନ୍ମ ହୋଇ ଆଗେଇଲେ ଦେଶ l

ରକ୍ତ ଦିଅ ମୋତେ ତୁମେ ସ୍ୱାଧୀନତା ଦେବି

ଏହି କଥା କହିଥିଲେ କରି କେତେ ଦାବି l

ଉତ୍କଳ ର ମଣି ପୁଣି ଗୋପବନ୍ଧୁ ଦାସ

କଟକରେ ଜନ୍ମ ତାଙ୍କ ସର୍ବେ ହୃଦେ ବାସ l

ବିଜୁ ବାବୁ ଜନ୍ମସ୍ଥାନ ଅଟଇ ଯେ ଏହି

କେତେ ବୀରଜନ ପୁଣି ଜନ୍ମ ଯେ ଏଠାଇ l

ଲେଖୁଥିଲେ ସରିବନି ମୋ କଟକ କଥା

ପଢି ଶୁଣି ହୋଇଯିବ ତୁମ ମୁଣ୍ଡ ବ୍ୟଥା l

ଗରବ ରେ କୁହେ ମୁହିଁ ଅଟେ କଟକିଆ

ସରଳ ହୃଦୟ ଆଉ ମଣିଷପଣିଆ l

ଏ ଅଟେ ଆମର ଗୁଣ ସବୁଠୁ ନିଆରା

ସ୍ଥାନ ଦେଉ ହୃଦୟରେ ସଚ୍ଚା ମନ ପରା l

I