ମୋ ଜୀବନର ଅନୁଭୂତି
ମୋ ଜୀବନର ଅନୁଭୂତି
ଗ୍ରାମ ବ୍ରହ୍ମପୁରା ନାମ ମୋ ସଚଳା
କଟକ ଜିଲ୍ଲାରେ ଘର
ମାତା ଯେ ମୋହର ଲକ୍ଷେ ଦିଅଁ ପୁଜି
କୋଳେ ଧରି ଥିଲା ତା'ର II
ପିତା ମାତାଙ୍କର ଅତି ଅଲିଅଳି
ଅଭାବ ନ ଥିଲା ମୋର
ପାଠ ପଢ଼ା ପ୍ରତି ଦେଇ ଥିଲେ ଧ୍ୟାନ
କିଣନ୍ତି ବହି ପତର II
ଘର ର କାମ କୁ ପାଠ ପଢିବାକୁ
ସବୁଠି ଥାଏ ମୋ' ମନ
ପ୍ରତ୍ୟେକ କର୍ମକୁ ଯତନେ କରଇ
ପଢ଼ରେ ରଖଇ ଧ୍ୟାନ II
ପ୍ରଥମ ଶ୍ରେଣୀରୁ ଯୁକ୍ତ ଦୁଇ ଯାଏ
ପଢ଼ା ଅତିକ୍ରମ କରି
ସେହି ସମୟରେ ବିବାହ କରିଲି
ଗଲି ବଧୂ ବେଶ ଧରି II
ଶାଶୁ ଘରେ ରହି ଫାର୍ମାସି ପଢ଼ିଲି
କଟକ ଜିଲ୍ଲାରେ ରହି
ଶ୍ରୀରାମଚନ୍ଦ୍ରଙ୍କ ମହା ବିଦ୍ୟାଳୟେ
ଔଷଧ ତିଆରି ସେହି II
ଫାର୍ମାସି ସାରିଲି ଝିଅ ଜନ୍ମ ଦେଲି
ନାମ ତାର ମନସ୍ବିନୀ
ମାସକର କନ୍ୟା ହୋଇଥିଲା ବେଳେ
ଚାକିରୀ ପାଇଲି ମୁଁହି II
କିଛି ଦିନ ଅନ୍ତେ ବି.ଏ.ବି.ଏଡ଼. ସାରି
ଶିକ୍ଷା ବିଭାଗ କୁ ଗଲି
ଉଚ୍ଚ ବିଦ୍ୟାଳୟେ ଶିକ୍ଷକତା କରି
ପାଠ ପାଠରେ ଲାଗିଲି II
ଚାକିରୀ ଜୀବନେ ନାନା ଅସୁବିଧା
ଘଟିଥାଇ ଗୋଟି ଗୋଟି
ପରମ ଦୟାଲ ପରମ ଇଶ୍ୱର
ନିଅନ୍ତି ତାକୁ ସାଉଁଟି ll
ଗୃହ କର୍ମ ଠାରୁ ବିଦ୍ୟାଳୟ ଯାଏ
ବାଡ଼ି ବଗିଚା କରିଲି
ଫୁଲରେ ଫୁଲରେ ଗୃହର ଅଙ୍କନ
ଅତି ଯତ୍ନ ସଜାଇଲି ll
ଆରମ୍ଭ ରୂ ଶେଷ ବର୍ତ୍ତମାନ ଯାଏ
ଘଟିଛି ନାନା ଘଟଣା
କା ଆଗେ କହିବି ନିଜ ଘର କଥା
ହୁଅଇତ ବାଟବଣା ll
ନେଲି ସତଦୀକ୍ଷା ପାଇଲି ମୁଁ ଶିକ୍ଷା
ସତନାମ କଲି ମୁହିଁ
ସତ ସଙ୍ଘ ଯାଇ ଆନନ୍ଦ ଲଭଇ
ତାହାର ତୁଳନା ନାହିଁ ll
ଜିଜ୍ଞାସାର ଆଶା ଥିଲା ଯେ ଭରସା
ଆଜି ଏଠି ପହଂଚିଲି
ମନ କରି ଦୃଢ଼ ଆଗକୁ ବଢିଲି
ବଞ୍ଚିବା ପଥ ପାଇଲି ll
ଵିଭୂଙ୍କ କରୁଣା ଅପାର ଥିବାରୁ
ଆଜି ଏ ସ୍ଥାନ ପାଇଲି
ଦୃଢ଼ତର ଆଶା ଥିଲା ମୋ ଭରସା
ପ୍ରଭୁଙ୍କ ଶରଣ ନେଲି ll