நூலகம்
சுயவிவரம்
ପ୍ରଭାତ ଚିତ୍ର
ପ୍ରଭାତ ଚିତ୍ର
1 min
202
ସୁଭାଶିତ ସୁସଜ୍ଜିତ ସୌନ୍ଦର୍ଯ୍ୟରେ ଭରା ନୀଳ ଆକାଶ
ମନୋହର ଏଇ ପ୍ରେମର ଛୁଆଁ ଆନନ୍ଦ ରେ ସମୀର
ଓଠ ରେ ହସ ପୁଣି ନୟନେ ନୂଆ ସପନ ଦେଖାଇ
ସ୍ୱାଗତ ଅଭିମୁଖେ ଘେନିଲେଣି ଦିବାକର l
କୋଇଲି ଗାଇଲା, କାଉ ବି ଡାକିଲା,
ପୁଣି କିଚିରି ମିଚିରି ଶବଦ
ଗର୍ଜନ ଛାଡିଲେ ଅତି ଉଲ୍ଲାସରେ
କେତେ ଜୀବ ପୁଣି ଗାଈ ଓ ବଳଦ l
ଆହା କି ମନଲୋଭା ପ୍ରଭାତ ଚିତ୍ରଟି
ଜିଣି ନିଏ ସଭିଙ୍କ ମନ,
ପ୍ରତି ଜୀବ ଏଇ ନୂଆ ସକାଳରେ
ପାଆନ୍ତି ଏକ ନୂଆ ଜୀବନ l
ଶାନ୍ତ ମନ, ଶାନ୍ତ ଏ ପରିବେଶ ମଧ୍ୟରେ ଭିଜିଯାଏ
ଏଇ ଆମ ପାଞ୍ଚଭୁତ ଶରୀର,
ପ୍ରକୃତିର ପ୍ରେମ ଆପେ ଟାଣିନିଏ
କରି ସଭିଙ୍କୁ ଆପଣାର
କି ମନଲୋଭା ଏ ପ୍ରଭାତ ଚିତ୍ରଟି
ଜାଗ୍ରତ କରେ ସଭିଙ୍କୁ
କେତେ ଶଙ୍ଖନାଦ କେତେ ହୁଳହୁଳି ଶୁଣି
ଅତି ଯତନରେ ଗଢେ ନର ନିଜେ ନିଜକୁ l
