ଭଲ ପାଠକଟିଏ ହେବି

        

ଭଲ ହେବା ପାଇଁ ଭଲ ରହିବାକୁ 

     ବୁଦ୍ଧି ଜ୍ଞାନ ବିବେକ ବିଚାର ଲୋଡ଼ା, 

ଶ୍ରମ ବଳେ ବିଦ୍ୟା ଅର୍ଜିବାକୁ ହେଲେ 

    କରିବାକୁ ହେବ ମୋତେ ଭଲ ପଢା ।

 

ଶିଷ୍ୟଟିଏ ଭାବି ନିଜକୁ ସର୍ବଦା 

      ପଠନେ ରହିବି ମୁଁ ଯେ ତତପର, 

ଭଲ ପାଠକଟି ହେବାର ସଂକଳ୍ପ 

    ମନେ ରଖିଥିବି ଭାବନାରେ ମୋର ।

ଜାଣିଛି ଏତିକି ପଠନେ ଶ୍ରବଣେ 

      ଯେତେ ଜ୍ଞାନ କରିହୁଏ ଆହରଣ, 

ଜ୍ଞାନ ବିନା ନାହିଁ ଗତି ସ୍ଥିତି ମୁକ୍ତି 

      ଜ୍ଞାନ ବଳେ ଉଦ୍ଧାର ହୁଅଇ ପ୍ରାଣ ।

 

ଲଭିବାକୁ ନିତି କିଛି କିଛି ଜ୍ଞାନ 

      ଉତ୍ତମ ପାଠକଟିଏ ମୁଁ ଯେ ହେବି, 

କର୍ମମୟ ଜୀବନେ ଅବସର ଖୋଜି 

      ପଠନେ କିଛି ସମୟ ଦେଉଥିବି ।

ଶିକ୍ଷା କେବେ କା'ର ହୁଏ ନାହିଁ ଶେଷ 

      ଅଶେଷ ଅଗାଧ ବିଦ୍ୟାର ଭଣ୍ଡାର,

ନିଜ ପାଇଁ ସଂସାର ପାଇଁ ଯା' ଭଲ 

   ସେ ପୋଥି ପଠନେ ମନ ଥିବ ମୋର ।

 

ଜୀବନ ଧାରଣେ ଶରୀର ବର୍ଦ୍ଧନେ 

      ଖାଦ୍ୟପେୟର ଆବଶ୍ୟକତା ପରି, 

ମନର ଆହାର ଜ୍ଞାନ ହୋଇଥାଏ 

     ଦିଏ ଯାହା ବୁଦ୍ଧି ବିବେକ ଯେ ଭରି ।

 

ମନ ଚାହେଁ ହସଖୁସି ସୁଖ ଶାନ୍ତି  

      ସଂସାରେ ନିତି ରହିବ ବୋଲି ଭଲ, 

ଭଲ ରହିବାକୁ ଭଲ ଜ୍ଞାନ ଖୋଜେ 

        ଉପାଦେୟ ପୁସ୍ତକମାନ ମୁଁ ପଢି,

ସୁସ୍ଥ ସୁନ୍ଦର ଜୀବନ ପାଇବାକୁ 

       ଅଧ୍ୟୟନ କ୍ଷେତ୍ରେ ଚାଲୁଥିବି ଲଢି ।

ଭଲ ପାଠକଟିଏ ମୁଁ ,ମୁଁ ଯେ ହେବି 

     ଭଲ ଜ୍ଞାନ ପାଇ ଭଲ ମୁଁ ଯେ ହେବି, 

ଭଲ ଜ୍ଞାନ ସବୁ ବିନିଯୋଗ କରି 

       ସବୁରି ସାଥେ ଭଲରେ ରହିଥିବି ।