ଖବର

ଆଜିର ଖବର ? ପଚାରୁଛ?

ଖବର ତ କିଛି ନୂଆ ନାହିଁ ।

ସେଇ ଆଖି ଥାଇ ଅନ୍ଧାର

ଅଣ୍ଡାଳୁଥିବା ମଣିଷ ପରି ଦିଶୁଥିବା ଜୀବ ମାନେ

କାନକଣା ଥାଇ ତାବ୍ଦା ଆତ୍ମା ଟେ କୁ ବୋହି ବୋହି

କୁରୁମ ।

ସେଇ ଜିଭ ଆଉ ମୁଣ୍ଡ ଥିବା ଜୀବ ତକ

ଏକାଠି ବସି ମୁଢି ଚେନାଚୁର ଚୋବେଇବା, ଆଉ

ପଙ୍କ ତଳେ" ପୃଥିବୀ ଦବିଗଲା ହୋ ,ଦବିଗଲା "ପାଟି କରିବା ଛଡା, ଆଉ ନୂଆ କିଛି ନାହିଁ ।

ସେଇ ମେଡିକାଲ, ସେଇ ସ୍କୁଲ, ସେଇ ବିଷାକ୍ତ ଖାଦ୍ଯ,ପୋଡିଯାାଉଥିବା ହୁତ୍ ହୁତ୍ ଫୁଲ, ପାଣି, ପବନ, ନିଶ୍ବାସ, ବିଶ୍ବାସ, ଦେଶ କଳଙ୍କି ଲାଗି ଝରିଯାଉଥିବା ଦୃଶ୍ୟ ।

ଆଉ କଣ ଖବର ?

କେତେ ପଚାରୁଛ କିଓ ଥରକୁ ଥର ?

ଅପେକ୍ଷା କର !

କିଏ ଯଦି କେବେ ପ୍ରକୃତ ଅର୍ଥରେ "ମଣିଷ ପିଲାଟେ"

ସୃଷ୍ଟି ହବ କୋଉ ଗୋଟେ ଶୁଭ ନକ୍ଷତ୍ର ବେଳାରେ,

ତା ହେଲେ ଯଦି କିଛି ନୂଆ ମିଳିବ ମିଳିବ !

ସେ ଯାଏ ଜୀଁ ଥାଅ

ପାଟିରେ ବିଣ୍ଡା ମାଡି ।