ମୋ ହୃଦୟେ ଗୁରୁ

ଥିଲି ଶୁଷ୍କ ତରୁ ପଲ୍ଲବୀତ ହେଲି

      ତୁମରି ପରସ ପାଇ l

ମୋ ଜୀବନ ସାଦା କାଗଜରେ ତୁମେ

     ସୁନ୍ଦର ଚିତ୍ର ଦେଇ l

ମୋପରି କେତେ ଯେ ମଣିଷ ଗଢିଛ

   ଗଣି କି ପାରିବି ମୁହିଁ l

କି କହିବି ଗୁରୁ ତୁମରି ମହିମା

  ମୁଖେ ଭାଷା ନାହିଁ l

ଆଦ୍ୟ ଗୁରୁ ସିନା ଜନ୍ମଦାତ୍ରୀ ମୋର

   ଦ୍ଵିତୀୟେ ପିତା ମୋହରି l

ତୃତୀୟ ଗୁରୁ ଯେ ଶିକ୍ଷକ ମୋହର 

    ହେବକିଏ ତାଙ୍କ ସରି l

ମନମାନସ ରେ ତାଙ୍କ ଛବି ଯେବେ

   ମନ ପଡ଼ିଯାଏ କ୍ଷଣେ l

ନୟନ କୋଣରୁ ଜଳ ବିନ୍ଦୁ ଝରେ 

   ନୀରବରେ ଅନୁ କ୍ଷଣେ l

ଅବାଟ ରେ ଗଲେ ତୁମରି ଆକଟ

   ଆମରି କଲ୍ୟାଣେ ମନ l

ଭଲ ଚାଟ ଗଢି ରାଷ୍ଟ୍ର ଗଢିବାରେ

     ତୁମ ଭୂମିକା ମହାନ l

ଆମ ସଂସ୍କୃତି ଏ ପବିତ୍ର ସମ୍ପର୍କ

   ଚିରକାଳ ଥିବ ରହି l

ଗୁରୁଶିଷ୍ୟ ପରମ୍ପରା କୁ ଆମେ ଯେ

   ହୃଦେଥିବା ଯେବେ ବହି l