ମୋ ଘର

ମୋ ଘର

ଖୁସିର ଗୋଟେ ଅମାପ ଭଣ୍ଡାର

ହସିହସି କରିଛି ସମସ୍ତଙ୍କୁ ଆପଣାର

ମୋ ଘର

ମଜବୁତ ମୂଳଦୁଆ କେଂଚାଏ ଦୁଃଖର

ପୁଣି ଛୋଟ ଗୋଟେ ବଗିଚା ମେଞ୍ଚାଏ ଆଦର୍ଶର

ମୋ ଘର

ଏଠି କିଛି ମାତ୍ରାରେ ରାଗ ଅଭିମାନ ଭରି ରହିଛି

ପୁଣି ଏଠି ସ୍ନେହର ଗୋଟେ ଗନ୍ତାଘର ସାଜିଛି

ମୋ ଘର

କେତେ ଯେ କାହାଣୀକୁ ନେଇ ଆଜି ପ୍ରେରଣା ସାଜିଛି

ପୁଣି ଭାଙ୍ଗି ଗଲେ ବି ନିଜେ ନିଜେ ଠିଆ ହେବାର କଳା ଜାଣିଛି

ମୋ ଘର

ଭଲପାଇବା ଏଠି ସମସ୍ତଙ୍କର ଅଳଙ୍କାର ସାଜିଛି

ନିଜତ୍ବ ନୂଆ ଏକ ବାର୍ତ୍ତା ଦୁନିଆକୁ ଶିଖାଇବାକୁ ଚେଷ୍ଟା କରୁଛି

ମୋ ଘର

ଏଠି କେତେ ଯେ ଦୁଖଃର ମାୟା ଜାଲରେ ଅନେ ସମୟ ଫସିଯାଇଛି

ପୁଣି ହସଖୁସିର ଅସ୍ତ୍ରକରି ଦୁଃଖର ହିମାଳୟ ବି ଲଙ୍ଘି ଯାଇଛି

ମୋ ଘର

ଅଚିହ୍ନା ବି ଏଠି ନିଜତ୍ବର ବାର୍ତ୍ତା ଦେଇଛି

ଜିତିବାର ଜିଜ୍ଞାସା ପ୍ରତ୍ୟକ ଇଟାରେ ସତରେ ଭରି ରହିଛି