ମୋ ଗାଁ

ମୋ ଗାଁ ବହୁତ ବଦଳି ଗଲାଣି

ଚାଳ ଘର ସବୁ ପକା ହେଲାଣି

କନଭେଟ ସ୍କୁଲ ଖୋଲିଗଲାଣି

ଫୁସ୍ ଫାସ୍ ଇଂରାଜି ଚାଲିଲାଣି

ଭାଗବତ ଟୁଙ୍ଗି ରେ ସୁରାପାଣି

ଦୂର୍ଗାପୂଜା ରେ ନାଚନ୍ତି ରମଣି

ଟିପିଲେ ଅଲୁଅ ମୋଡିଲେ ପାଣି

ଡିବି ଆଲୁଅ ଚୁଲିକି ଗଲାଣି

ଜଲୁନି କାଠଚୁଲା ମାଟିହାଣ୍ଡି

ଦିଶୁନି ଷଷ୍ଠିଘର ଦେଇପିଣ୍ଡି

ସତ୍ୟନାରାୟଣ ମେଳା ଶିରିଣି

ଘୋଡାନାଚ ଓ ବାଦିପାଲା ପୁଣି

ପାହାନ୍ତି ଖରକୁନି ଦାଣ୍ଡ କେହି

 ଆରତି ହୁଏ କ୍ୟାସେଟ୍ ଲଗାଇ

ମଙ୍ଗଳାବସା ନା ଖୁଦୁରୁକୁଣି 

ଝିଅ ସାଝିଲେଣି ରଜ କୁଇନି

ନାହିଁ ସେ ମାଟିଦୀପ ଦୀପାବଳି

ଲାଇଟ୍ ଜଳେ କେତେ ନାଲିନେଳି

ଜାଳେନି ହାତେ କାଉଁରିଆ ବାଡି

ମନେବି ନାହିଁ କାହାରି ସାତପିଢି

ଗାଁ ଦାଣ୍ଡେ କାଗଜ ଡଙ୍ଗା ଭାସୁନି

ବରଷା ପାଇଁ ଲଙ୍ଗଳ ପୋତୁନି

କୃଷକ ହଳଲଙ୍ଗଳ ଜୋଖୁନି

ଚାଷିର କାମ ମେସିନ କଲାଣି

ଏଠି ଚଳାଚଳ ଫର୍ଚ୍ଚା ହେଲାଣି

ମାଣବସୁନି ଧାନ ଜଟ ବୁଣି

ପଡୁନି ପିଣ୍ଡାରେ ଗୋବର ପାଣି

ଝୋଟି ମୁରୁଜ ପ୍ରିଣ୍ଟ୍ ମିଳିଲାଣି