ମୋ ଗାଁ ମୋ ଦୁନିଆ

ଭାରତ ଦେଶର ଓଡିଶା ରାଜ୍ୟର

କଟକ ଜିଲ୍ଲାରେ ଭୂଗୋଳ ପ୍ରସିଦ୍ଧ 

ମନ୍ଦିର ମାଳିନୀ ଗାଁ ଟି ମୋର

ଭଟିମୁଣ୍ଡା ଗ୍ରାମରେ ମୋ ଘର l

ମୋର କାହାକୁ ବା ଆଉ ଡର ll

ପୂର୍ବେ ମା କନକ ଦୁର୍ଗାଙ୍କ ମନ୍ଦିର

ପଶ୍ଚିମେ ବାବା ଭୂତେଶ୍ଵର l

ଉତ୍ତରେ ଶ୍ରୀ ଶନିଶ୍ଚର ମନ୍ଦିର

ଦକ୍ଷିଣେ ଜୟ ମା ମଙ୍ଗଳାଙ୍କର ll

ଗାଁ ମଝିରେ ବିଜେସ୍ଥଳୀ ଗ୍ରାମଦେବତୀ

ଜୟ ମା ଜାଡୁଆଙ୍କ ମନ୍ଦିର l

ଆହୁରି ରହିଛି କେତେ ଯେ ଛୋଟ ବଡ ମନ୍ଦିର

ବାର ମାସେ ତେର ପରବ ପାଳନ ହୁଏ ଏଠି ଆମର 

ଦୋଳ, ଦଶହରା, ରଜ ମଉଜ ପ୍ରସିଦ୍ଧ ଗାଁର ll

ଏଇ ଗାଁରେ ଛୋଟ ଏକ ଦୁନିଆ ମୋର l

ଏଇ ଦୁନିଆରେ ଲେଖେ କବିତା କାହାଣୀ ନିରନ୍ତର ll

କେବେ ଲେଖେ ସୁଖର ଦୁଃଖର l

କେବେ ଲେଖେ ପ୍ରେମର ବିରହର ll

କେବେ ପୁଣି ସଚେତନ ବାର୍ତ୍ତା ଦିଏ

ଏଇ ମଣିଷ ସମାଜକୁ ଆମର ll

କଂସାରୀ ପରିବାରେ ଜନ୍ମ ମୋହର l

ହାତୁଡି ପିଟି ପିଟି ଲୁହ ଲହୁ କରି ଏକାଠି

କଂସା ବାସନ ଗଢେ ମୋ ପରିବାର ll

ବୃତ୍ତି ଏ ପୋଷେ କୁଟୁମ୍ବ ମୋର l

ବାପା,ମା ସାହା ମୋ ସୁଖ ଦୁଃଖର ll

ମୁଁ ଗର୍ବିତ ଏଇ ଗାଁ ମାଟିରେ ଜନ୍ମ ମୋର

ମୁଁ ଗର୍ବିତ ଏଇ ଗାଁ ମାଟିରେ ଜନ୍ମ ମୋର l