Library
ମନେ ରଖିବା ଜୀବନ ତତ୍ତ୍ୱ
ମନେ ରଖିବା ଜୀବନ ତତ୍ତ୍ୱ
ଦେଖ ସମାଜରେ ଅଛନ୍ତି ମଣିଷ
ତିନି ପ୍ରକାର
କିଛି ତ କରନ୍ତି ଖାଲି ଅପକାର
ଚିନ୍ତା ଅନ୍ୟର |୧|
ନିଜ ସହିତ ହେଉ ଉପକାର ମଧ୍ୟ
ଅନ୍ୟ ମଣିଷର
ଚିନ୍ତା ଉପକାର ଅନ୍ୟର ଦୁଃଖ ହେଉ
ପଛେ ନିଜର |୨|
ଚାଲ ଅଭିନୟ ନକରି ଆମେ ଭଲ
ମଣିଷ ହେବା
ମଣିଷ ସମାଜର ଉପକାର କଥା
ଚିନ୍ତା କରିବା |୩|
କାରଣ
ସ୍ୱାର୍ଥରେ ମଗନ ଓ ବ୍ୟସ୍ତ ରହେ
ସ୍ୱାର୍ଥପର ଜନ
ମନ ସ୍ୱାର୍ଥରେ ଶାନ୍ତି କେଉଁଠୁ
ପାଇବ ତା ମନ |୪|
ସମସ୍ତେ ଯଦି ସ୍ୱାର୍ଥ ପଥରେ
ହୋଇବେ ଅଗ୍ରସର
କେହି ଯଦି ନହେବ ସହାୟକ
ଅନ୍ୟ ମାନବର |୫|
ନକରିବ ଯଦି କିଛି ମଣିଷକୁ
ନିଜ ଆପଣାର
ସମାଜ ଚାଲିବକି ସମସ୍ତଂକୁ
କରି ସାତପର |୬|
ଉତ୍ତମ ଲୋକ ଚାଲନ୍ତି ସତ୍ୟ ଧର୍ମ
ନ୍ୟାୟ ପଥରେ
ନିଜେ ଦେଇଥିବା ବାଣୀକୁ ଲଗାନ୍ତି
ସଦା କାର୍ଯ୍ୟରେ |୭|
ବାଣ୍ଟନ୍ତି ସେମାନେ ଆଲୋକ ଅନ୍ୟକୁ
ଦୀପ ସମ ଜଳି
ଦୁନିଆର ରୂପ ସେଥି ପାଇଁ ତ ଦିଶେ
ଝିଲ୍ଲିମିଲି |୮|
ମଣିଷତ୍ୱ ହଜିଯିବ ଯଦି ଭୂଲି ସରବ
ମାନବିକତା ଧର୍ମ
ନିଶ୍ଚୟ ଲିପ୍ତ ହୋଇବ ମାନବ ସମାଜ
ଘଟିଣ କୁକର୍ମ |୯|
ବଢିବ ଯଦି ସବୁ ଆସୁରିକ ଶକ୍ତି
ଏଇ ସଂସାରରେ
କlଳର ରଶି ଲାଗିବ ସମସ୍ତ ଜନ
ଗଣଙ୍କ ଗଳାରେ |୧୦|
ମନେ ରଖିବା ସଦା ସର୍ବଦା ସକଳ
ଘଟେ ନାରାୟଣ
ମଣିଷ ଦେହେ ଦିବ୍ୟଜ୍ଞାନ ଦେଖି
ସନ୍ତୋଷ ଭଗବାନ |୧୧|
ବିଶ୍ୱାସ ଅଛି ଯଦି ଠାକୁର ପରା
ସବୁ ସ୍ଥାନରେ ଅଛନ୍ତି
ପ୍ରତ୍ୟେକ ମଣିଷ ଦେହରେ ମଧ୍ୟ
ବିଦ୍ୟମାନ କରିଥାନ୍ତି |୧୨|
ଆମ ଜଗନ୍ନାଥ ଧର୍ମର ଅର୍ଥ
ମଣିଷର ଉପକାର କରିବା
ଉପକାର ଚିନ୍ତା କରିବା ଓ ଉପକାର
ପାଇଁ କାର୍ଯ୍ୟ କରିବା |୧୩
