ଅଭିନନ୍ଦନ
ଅଭିନନ୍ଦନ
ନମନ, ବନ୍ଦନ, ଅଭିନନ୍ଦନ,
ଦ୍ରୌପଦୀ ତୁମେ ଧନ୍ୟା
ସ୍ପନ୍ଦନ ଯାଗେ ପରାଣେ ପରାଣେ
ଧନ୍ୟ ହେ ବହ୍ନି କନ୍ୟା l
ଜନକ ଜନନୀ ଧନ୍ୟ ତୁମରି
ଧୂଳି ମାଟିରେ ଗଢ଼ି
ଧନ୍ୟ ତୁମେ ଯୋଗ୍ୟା କନ୍ୟା
ଶିଖିଲ ଶିଖର ଚଢ଼ି l
ଜୀବନେ କରି ମାନବର ସେବା
ବ୍ରତ ସୁକୃତ ରାଶି
ମହାଭାରତେ ଆଦର୍ଶ ସେହି
ଯାଜ୍ଞସେନୀ ମହିୟସୀ l
ପ୍ରାଞ୍ଜଳ ତୁମ ଜନ ସେବା ପୁଣି
ନିର୍ମଳ ରାଜନୀତି
ମହିୟସୀ ତୁମେ ବାସ ରଚିଛ
କୋଟି ହୃଦୟେ ନିତି l
ମାନବ ଜୀବନ ନୁହଁଇ କେବଳ
ଦିବା ନିଶି ବର୍ଷ ମାସ
କର୍ମବଳେ ଦିନେ ସେବାଧର୍ମୀ ସେବା
ନିଶ୍ଚୟ ଲଭେ ପ୍ରକାଶ l
ତୁମ ଲାଗି ଭଗ୍ନୀ ଗର୍ବିତ ସର୍ବେ
ପୁଲକିତ ତନୁ ମନ
ମହନୀୟା ତୁମେ ଉତ୍କଳ କନ୍ୟା
ଅଭିନନ୍ଦନ ଘେନ l