ସତ୍ୟ ତୁମ ନାମ
ସତ୍ୟ ତୁମ ନାମ
ମିଛ ଏ ସଂସାର ଦେଇଛ ଠାକୁର
ମିଛ ଏ ସଂସାର କର୍ମ
ତୁମେ ଏକା ସତ୍ୟ ସବୁ ତ ଅସତ୍ୟ
ସତ୍ୟ ତୁମ ନାମ ଧର୍ମ
ପ୍ରଭୁ ଶରଣ ପଶେ ଅଧମ !0!
ବାଟରେ ବାଟୋଇ ମନେ କି ରଖାଇ
ବିଶ୍ରାମେ ଯେ ବୃକ୍ଷ ତଳ
ପିତାମାତା ପୁତ୍ର ଦୁହିତା କଳତ୍ର
ସଖା ବନ୍ଧୁ ସହୋଦର
ସୁଖ ବେଳ ସାଥୀ ଦୁଃଖରେ ନ ଯାନ୍ତି
ଏକା ଯାଏ ସାଥେ କର୍ମ !୧!
ସ୍ନାହାନେ ପବିତ୍ର ନୁହେଁ କେବେ ଗାତ୍ର
ପବିତ୍ର ତୋ ନାମ ରସେ
କାହିଁକି ବାନ୍ଧିଲ ଏ ମିଛ ଜଞ୍ଜାଳ
କର୍ମ ଫାଶେ ଭୁଲି ବସେ
ଖୋଲି ଦେ ବନ୍ଧନ ହେ ଚକାନୟନ
ନେଇ ଯାଅ ତୁମ ଧାମ !୨!