ମୋ ଗାଁ ମହାଦେଇପୁର
ମୋ ଗାଁ ମହାଦେଇପୁର
କେତେ କବି କଳାକାର ନାତ୍ୟଗୁରୁ ନାଟ୍ୟକାର
ଜନମି ଆମ ଗ୍ରାମର ଅରଜି ଯଶ
ଗାନ୍ଧାର ବିଦ୍ୟା ନିପୂଣ ନାନା ନୃତ୍ୟ ଗୀତମାନ
କରାଇ ପରିବେଷଣ ଆଖଡ଼ା ଦେଶ।
ସେ କୃଷ୍ଣଲୀଳା ଭୂତକେଳି
ଅଶ୍ଵମେଧ ଯଜ୍ଞ ନାଟ ନପାରୁ ଭୁଲି।୨୧।
ମୋ ଗାଆଁର ଚାଷୀକୁଳ ଖଟାଇ ନିଜର ବଳ
ଫଳାଇ ନାନା ଫସଲ ଜମିରେ ତାର
ଧାନ ମୁଗ ବିରି ରାଶି ଆଖୁ ମାଣ୍ଡିଆ ଅଳସୀ
ଫସଲ ସୁରୁଜମୁଖୀ ଜମିରେ ତାର।
ସଦା ଥାଏ ହରଷ ଅତି
ଖରା ବରଷା ଶୀତରେ ନଥାଏ ଭୀତି।୨୨।
ଜହ୍ନି ବାଇଗଣ ସାରୁ କଲରା ଲାଉ କଖାରୁ
ବିଲାତି ଭେଣ୍ଡି କୁନ୍ଦୁରୁ ପରିବାମାନ
ପାଳଙ୍ଗ ଖଡା ଖୋଷଳା ଲେଉଟିଆଶାଗ ମୂଳା
ଜାତି ଜାତି ଫୁଲ ଫଳେ ହସେ ଉଦ୍ୟାନ।
ଧନିଆଦି ଶାଗ ସକଳ
ଉତ୍ପାଦନେ ରତ ସଦା ଗାଁ ଚାଷୀ କୁଳ।୨୩।
ମୋ ଗାଆଁର ଯୁବ ଶକ୍ତି ପଢାରେ ବଳାଇ ମତି
ଅଳଙ୍କୃତ କରିଛନ୍ତି ଉଚ୍ଚ ଆସନ
ବୈଜ୍ଞାନିକ ଡ଼ାକତର ଶିକ୍ଷକ ଇଞ୍ଜିନିୟର
ଶିଳ୍ପପତି ଗବେଷକ ପରି ସମ୍ମାନ।
କମ୍ପାନୀର ପରି ଚାଳକ
ରାଜ୍ୟ କେନ୍ଦ୍ର ନିଗମର ମାର୍ଗ ଦର୍ଶକ।୨୪।