ମୋ ବାପା

ମୋ ବାପା 
   
ମନରେ ଯଦି ଥିଲା ଦେବାକୁ ଏମିତି ଦୁଃଖ 
କାହିଁକି କହ ମୋତେ କରିଲୁ ପାପର ଭାଗୀଦାର ।

ମୁଁ କରିଲି ତୋତେ ଅଗାଢ଼ ବିଶ୍ୱାସ 
ଡାକ୍ତରଙ୍କ କଥାକୁ କରିଲି ଆଖି ବୁଜି ବିଶ୍ୱାସ 
ସମସ୍ତେ ଦେଲେ ମୋ ବିଶ୍ୱାସ ରେ ବିଷ ।

ବାପା ଚାହୁଁଥିଲେ ଦେଖିବାକୁ ତାଙ୍କ ନିଜ ଲୋକ
ଭଲ ହୋଇଯାଇଥାନ୍ତେ ଥିଲା ମୋ ବିଶ୍ୱାସ 
ମନା କରିଦେଲି ମୋ ବୋଉ , ଭାଉଜ,ପୁଅ ପୁତୁରା ଙ୍କୁ 
ମନା ନ କରିଥିଲେ ଆସି ଥାଆନ୍ତେ ସଭିଏଁ ।
ମୋ ବାପା ହୋଇଥାଆନ୍ତେ ଖୁସି 
ମନେ ରହି ନ ଥାଆନ୍ତା ଦୁଃଖ ଅବସାଦ ।

ନିଜ ଲୋକଙ୍କୁ ନ ଦେଖି 
ବୁଜି ଦେଲେ ଚିରଦିନ ପାଇଁ ଆଖି।
ହେଲେ ସଭିଏଁ ଆସିଲେ 
ସେତେବେଳକୁ ବାପା ନ ଥିଲେ ଏ ଇହ ଲୋକେ।

ବଞ୍ଚିଥିବା ଯାଏ ଭୁଲି ପାରିବିନି 
କାହିଁକି ବସିଲ ମୋ କଣ୍ଠେ ତୁମେ 
କହିଲି ପାଖ ଡାକ୍ତର ହସ୍ପିଟାଲ ନାମ
ମୋ ସୁସ୍ଥ ବାପାଙ୍କୁ କରିଲେ ଅତ୍ୟାଚାର 
ଦେଲେ ମାନସିକ ଯନ୍ତ୍ରଣା, ଶାରୀରିକ ଯନ୍ତ୍ରଣା ।
ନିଜ ଲୋକଙ୍କଠାରୁ ଦୂରାଇ ଦେଲେ 
କରି ଦେଲେ ରୋଗାକ୍ରାନ୍ତ 
ଝରାଇଲେ ଲୁହ ସଦା ଆଖିରୁ ତାଙ୍କର
ଶେଷେ ନେଇଗଲ ତୁମେ, ମୋତେ କରି ବାପଛେଉଣ୍ଡ ।

ମିତାଞ୍ଜଳି ଶତପଥୀ