ବାପା ବୋଉ
ବାପା ବୋଉ
ଆମ ଭାଇ ଭଉଣୀଙ୍କୁ ପ୍ରଥମ ସୂର୍ଯ୍ୟାଲୋକ ଦେଖାଇଥିଲେ
ସେ ହେଉଛନ୍ତି ଆମ ବାପା ବୋଉ |
ଦରୋଟି ଭାଷାର କଥା ଶୁଣି
ଖୁବ୍ ଖୁସି ହେଉଥିଲେ ଆମ ବାପା ବୋଉ |
ଆଙ୍ଗୁଳି ଧରି ଚଲାଇ ଶିଖାଇଥିଲେ
ସେ ଆମ ବାପା ବୋଉ |
ନାନାବାୟା ଗୀତ ଗାଇ ଶୁଆଇଦେଉଥିଲେ
ଆମ ବାପାବୋଉ |
ଟୁଆ଼ଁଟୁଇଁ , ବୁଢ଼ିଅସୁରୁଣୀ, ପରିରାଇଜ ରାଜକୁମାର
ଗପ ଶୁଣାଇ ମନ ମୋହି ଦେଉଥିଲେ ଆମ ବାପାବୋଉ |
ନିଜେ ପୁରୁଣା ପିନ୍ଧି
ସବୁ ପରବେ ନୂଆ ପିନ୍ଧାଉଥିଲେ ଆମକୁ
ଆମ ବାପାବୋଉ |
ଭୋଗରାଗ ,ପିଠାପଣାରେ ଘର ପୂରାଉଥିଲେ
ଆମ ବାପାବୋଉ |
ପାଠ ପଢ଼ାଇ ଭଲ ମଣିଷ କରିବେ ବୋଲି
ପଣ କରିଲେ ଆମ ବାପା ବୋଉ |
ଆଦ୍ୟ ଯଉବନେ ଆମେ ପାଦ ଦେଉ ଦେଉ
ମନକୁ ମାରିଲେ ଆମ ବାପାବୋଉ
ଯୌତୁକ ପାଇଁ ସଜାଡ଼ୁ ସଜାଡ଼ୁ
ଭୁଲି ଗଲେ ନିଜ ସୁଖ ସ୍ୟାଛନ୍ଦକୁ |
ଭଲ ଘରଟିଏ କରିବେ ବୋଲି
ମନରେ କରିଲେ ସ୍ଥିର |
ବାକି ଜୀବନର ଖୁସିହାସିକୁ
ଚାପି ଦେଲେ ଘର ଭିତରେ ତାଙ୍କର
ସଉକ ବୋଲି ଜାଣିଲେନି କିଛି
କରିଚାଲିଲେ ଖାଲି କର୍ତ୍ତବ୍ୟ |
ସେ ହେଉଛନ୍ତି ଆମ ବାପାବୋଉ |
ଜୀବନର ପ୍ରତି ସୁଖେ ଦୁଃଖେ
ରହିଛନ୍ତି ସଦା ଆମ ସାଥେ
ସେ ଆମ ଚିର ନମସ୍ୟ ବାପାବୋଉ |