ବାପା

ଦୁର୍ବଳ ନୁହେଁ ସୁସ୍ଥ ମନରେ 
ମାଗୁଛି ଭିକ୍ଷା ତୁମକୁ ବାପା 
ଯେଉଁ ମାନେ ତୁମକୁ ଦେଲେ ନର୍କ ଯନ୍ତ୍ରଣା 
ଦିଅ ତାଙ୍କୁ ଶାସ୍ତି
ପାଉ ତୁମ ଆତ୍ମା ଶାନ୍ତି 
ଦେଖୁ ମୋ ଚର୍ମ ନୟନ।

ଆଜି ବି ଭାବୁଛି ମରି ନାହଁ ତୁମେ 
ମାରି ଦେଇଛନ୍ତି ନର ରୂପୀ ରାକ୍ଷସମାନେ
ସେମାନଙ୍କୁ କେବେ କରିବନି କ୍ଷମା।
 
ଆଜି ବି ମନେ ଅଛି 
ହସ୍ପିଟାଲ ବେଡ଼ରେ ପ୍ରତିଟି କଥା 
କେତେ କାକୁତି ମିନତି ହୋଇ କହୁଥିଲ ତୁମେ 
ନେଇ ଯାଅ ଏଠୁ ମୋତେ 
ମାରିଦେବ ଏମାନେ , ବଞ୍ଚିବାକୁ ଦେବେନି ମୋତେ।
 
ଆଜି ବି ଚାହିଁଛି 
ଯେଉଁଦିନ ଦେଖିବି ତାଙ୍କ କୃତ କର୍ମର ଫଳ 
ସେଦିନ ଯାଣିବି ଭଗବାନ ଅଛନ୍ତି 
ଏ ସାରା ସଂସାରେ ପ୍ରତି କୋଣେ ଅନୁକୋଣେ।

ଶ୍ମଶାନ ଜୁଇରେ ଜଳିଗଲେ ଶରୀର
ମୃତ୍ୟୁ ହୁଏ ନାହିଁ କେବେ 
ଯେତେ ଦିନ ଯାଏ ଅଛ ମୋ ମନ ମନ୍ଦିରେ
ମରି ନାହଁ ବାପା ତୁମେ ।

ମିତାଞ୍ଜଳି ଶତପଥୀ