ମନର ମାନସୀ

ବରଷା ବରଷେ ଝିମି ଝୀମି ସୁରେ

ଭିଜା ଭିଜା ଶ୍ରାବଣରେ

କାହା ଲାଗି ଆଜି ହୃଦୟଟା ଝୁରେ

ମନ ରେଖା ନଦୀ ତୀରେ ।

ତନୁ ମନୁ ସବୁ ପ୍ରେମେ ଭିଯିଯାଏ

ମନର ମାନସୀ ପାଇଁ

ଭାବନା ମୋହର ସତକି ହୋଇବ

ଆସିବ କି ସିଏ ଧାଇଁ ।

ଇନ୍ଦ୍ରଧନୁ ଆଜି ତୋରଣ ସାଜିଛି

ବିଜୁଳି ଆଲୋକ ନେଇ

ଶଙ୍ଖ ନାଦ କରେ ଘଡ଼ ଘଡି ଆଜି

ପାଖେ ବାଦଲକୁ ପାଇ। 

ପବନ ଆସିଛି ଶାନ୍ତି ଦୂତ ହୋଇ

ବାରତା ସାଥିରେ ନେଇ

କାନେ କହି ଦେଇ ମନ କୁ ହସେଇ

ଯାଇଛି ଖବର ଦେଇ ।

ସଜବାଜ ହୋଇ ସଭିଙ୍କୁ ହସାଇ

ଓଢଣା , ଅଳତା ନେଇ

ମେଘ ସବାରୀରେ ଆସିବ କି ସିଏ

ମଥାରେ ସିନ୍ଦୂର ନାଇ ।‌‌