ମଣିଷ ପ୍ରକୃତି
ମଣିଷ ପ୍ରକୃତି
ପ୍ରତିଶ୍ରୁତି ଯଦି ପ୍ରତାରଣା ହୁଏ
ଥଳ , କୂଳ ମିଳେନାହିଁ ,
ବିଶ୍ଵାସରେ ଥରେ ବିଷ ମିଶିଗଲେ
ବିଶ୍ଵାସ ହାରେଟି ତହିଁ ।
ମଣିଷ ଜୀବନେ ଅଛି ଖାଲି ଏବେ
ପ୍ରତିଶ୍ରୁତି ପୂର୍ଣ୍ଣ ଆଶା ,
କେବେ ଖରା କେବେ ଛାଇ ପରି ପୁଣି
ଅସୁମାରୀ ଅଭିଳାଷା ।
ପୂର୍ଣ୍ଣମୀର ପରି ପକ୍ଷେ ବଢିଥିଲେ
ଅମାବାସ୍ୟା ପରି ଛିଡେ ,
ଜୀବନ ଯାତ୍ରାର ପ୍ରତି ମୁହୂର୍ତ୍ତରେ
କେବେ ଝୁଣ୍ଟେ କେବେ ପଡ଼େ ।
ପାଦଟେ ଆଗକୁ ବଢ଼ିଲେ ମଣିଷ
ପ୍ରତାରଣା ମାରିଦିଏ,
ମାୟାର ବନ୍ଧନେ ଏ ମଣିଷ ଆଜି
ପ୍ରକୃତି ବି ବଦଳାଏ ।
ରାତିଏ ବିତିଲେ ଜୀବନ ଆୟୁଦ୍ଧୁ
ସରିଯାଏ ଗୋଟେ ଦିନ ,
ସବୁ ଜାଣି ମଧ୍ଯ ସବୁ ଭୁଲିଯାଏ
କରିଥାଏ କର୍ମ ହୀନ ।
ଶୃତି ପ୍ରତିଶ୍ରୁତି ତୋର ମୋର ଭାବ
ମଣିଷର ସବୁ ଖେଳ ,
ସମୟ ସରିଲେ ଖେଳ ଶେଷ ହୁଏ
ପୁରଇ ଆୟୁଷ କାଳ ।
ସବୁ ଜାଣିଶୁଣି ଏ ମଣିଷ ଜାତି
ପ୍ରତିଯୋଗିତାରେ ଧାଏଁ ,
ଅନ୍ୟ ଗୋଡ଼ ଟାଣି ଆଗେଇବା ଲକ୍ଷ୍ୟେ
ପଡ଼ିଯାଏ କେବେ ଛାଏଁ ।
ଆଖି ବୁଜିଦିଏ ଚିରଦିନ ପାଇଁ
ଶ୍ମଶାନର ପଥପରେ ,
ଜୁଇରେ ମୁଠାଏ ପାଉଁଶ ହୋଇଣ
ବହିଯାଏ ଜଳଧାରେ ।